حواديت_مريم_وچون بقلم_ڤونا
*ـ اسكربت !”))*
اسكربت كامل
_ظابط!
=اه متقدملك ظابط
_وده شافني فين ده كمان
بصتلي ماما بأستغراب_هيكون شافك فين يعني أكيد في الشارع في المستشفى في أي نيلة
بت أنتِ أسمعيني كويس هتقابليه يعني هتقابليه هو جاي بكرة الساعة ٧
والمرادي مفيش حجج عبيطة من بتوعك فاهمة !
بصيتلها بضيق_أوف حاضر
سابتني وطلعت وأنا فضلت مكاني باصه للسقف
اتنهدت بضيق ومسكت فوني فتحت الأكونت بتاعي فضلت اقلب فيه بعشوائيه
قفلت الفون وقومت عشان أجهز عشان نازله رايحه الچم
لبست بنطلون سويت بانص أسود وتيشرت بيبي بلو ولميت شعري كحكة عشوائية ورطبت وشي
نزلت من البيت وأنا في دخلة البيت لقيت سوسو
*دي قطة العمارة
فضلت ألعب معاها شوية وبعدين سيبتها ومشيت
روحت مشي مرضتش أركب مواصلات لأنه قريب من بيتي أصلا
روحت الچم وخلصت وأنا مروحه رنيت علي ماما
_أيوة يا ماما
=أيوة يا حبيبتي فينك
_في الشارع
=طيب هاتي من عم محمد شوية الطلبات اللي هبعتهملك عشان العريس اللي جاي بكرة
نفخت بضيق_شوية طلبات مرة واحده هو هيصدعنا ليه ما يتزفت يطفح عصير وخلصنا
طبعا امي زي أي أم مصريه كانت بتشكر فيا لدرجه اني بعدت الفون من ودني واستنيتها تخلص
احم مش بتشكر أوي يعني أنتم فاهمين طبعا!
_خلاص يا أمي متبقيش قفوشة خلاص حاضر هجيب
قفلت وروحت عند عم محمد عشان أجيب طلبات ماما عشان عريس الغفله
اديت الورقة لعم محمد وأنا بدأت أتجول في السوبر ماركت مهو مش معقول مش هجيب لنفسي حاجه
روحت عند ركن الكاندي ووقفت بانبهار
كل همومي بتروح قصاد الركن ده
أبتسمت وبدأت أخد المفضل عندي من الكاندي
كان في حاجه عايزاها فوق وطبعاً مستحيل أعرف اجيبها نظراً لقصر قامتي احم
فضلت بصالها بضيق وأنا بكلم نفسي_يعني حبكت يا عم محمد دي تبقي فوق كده
نفخت بضيق ومشيت
_يا آنسه
وقفت مكاني وبعدين بصيت لمصدر الصوت و لقيت واحد باصصلي
_أفندم
بصلي بصه شملتني من فوق لتحت
رفعت حاجبي_خدتني كام صورة
بصلي ومد ايده جاب الكاندي اللي كانت فوق طبعاً لطول قامته اللي شوية ودماغه هتلزق في السقف
خده وبكل عشوائية رماه نحيتي
مسكته بسرعه قبل ما يجي في وشي وبصتله بصدمه من العبث اللي حصل ده
_أنتَ دماغك مهوية
بصلي بصدمه_نعم
_ايه العبط اللي حصل ده متعرفش تحطه في ايدي
بصلي وابتسم باستفزاز_لاء
بصيتله بقرف ومشيت روحت لعم محمد
_حسابنا كام يا عم احمد
بصلي وابتسم_خلي يا دكتورة
أبتسمت بلطف_الله يخليك
حاسبت علي الحاجه ولقيت كياس كتير
كنت ببرطم بصوت هامس_كل الهم ده عشان عريس الغفلة مش فاهمة ايه الهم ده وكده كده هيترفض اوف
شلت الكياس بالعافيه من كترهم ومشيت وأنا ماشيه لقيت طفلة واقعه علي الأرض بتعيط من غير تفكير جـ,ـريت عليها شلت الكياس من ايدي وبدأت أقومها
أتكلمت بقلق_حبيبتي أنتِ كويسه
كانت بتعيط حاولت أهديها خدتها في حضني
_بس بس أهدي خلاص
هديت شوية وبصتلي وعيونها مليانه دموع_شكرا
أبتسمت في وشها وبدأت أمسح دموعها_قوليلي بقيتي احسن
هزت راسها بصمت
أبتسمت وفتحت كيسه من الكياس وطلعت الكاندي اللي الشخص ده جبهالي واديتهالها_خدي بقي دي بصي طعمها تحفه أوي أنا بحبها جداً بس متغلاش عليكي يا صغننه أنتِ
بصتلي وضحكت وحضنتني جامد وباستني في خدي وطلعت تجري
أبتسمت علي ردة فعلها وبدأت أشيل الاكياس من الأرض واتجهت للبيت
في جانب آخر”
كان واقف بيراقبها وبيراقب تصرفها مع الطفله أبتسم عليها
تاني يوم الساعه٧”
أنا كنت جاهزة كنت لابسه فستان أحمر تحت الركبة وبنص كم شكله رقيق ومش ضيق
كنت عامله شعري ويڤي وكنت حاطه ميكب بسيط لأني مش بحب أحط ميكب أصلا
الباب خبط ففهمت أنه وصل
ماما فتحت ورحبت بيهم بعدها بدقايق دخلت نادتني
طلعت سلمت علي مامته وباباه كانو لطاف أوي وبصيت علي العريس وهوب
هو نفس الشخص اللي قابلته انبارح
بصيتله وابتسمت بخبث وهو بادلني الابتسامه
روحت قعدت جنب ماما
كان في كلام بين الأهل بس مكنتش مهتمة كنت بصاله بغموض وهو كان باصصلي بابتسامة لطيفة
“طب نسيب العرسان لوحدهم شوية
كلهم دخلو البلكونه وفضلت أنا وهو
كنا عمالين نبص لبعض بصمت
نفخت بزهق_هنفضل بصين لبعض كتير
بصلي وابتسم بهدوء ويا جدع ايه الحلاوة دي
_هنحدد الخطوبة أمتي
رفعت حاجبي_واثق إني هوافق
ضحك وحط رجل علي رجل_مهو ظابط ميترفضش طبعاً ولا ايه
أن جينا للحق أكيد لاء طبعاً ده أنا هموت واتجوز ظابط أحم بس عمرنا منروح نقول!!
بصيتله ببرود_جايب الثقه دي منين
بصلي وسكت شوية وبعدين أتكلم بثبات_يمكن عشان فيا حاجه بتتمنيها
بصتله بهدوء_بمعني
بدأ يتكلم جد_اسمي چون عندي ٢٥سنة مرتبي حلو الحمدلله عندي شقة ٤أوض قريبة من البحر
وحطي فوق ده كله
كمل بغمز_متابع روايات
مع آخر جملة قالها حاولت امنع ابتسامتي بس فشلت!
بصلي وابتسم
_مش عايز تتعرف عليا
بصلي وأتكلم بهدوء_أنا ظابط
نفخت بضيق_مخلاص يا صديقي حسستني بالمهندسين
يجي يكلمك من مناخيره وأنا مهندس أنا مهندس
ضحك وأنا ضحكت علي ضحكته
_قصدي اني عارف كل حاجه عنك
بصتله وابتسمت
وبعدها اهلنا دخلو
قعدنا شوية سوا وفي الآخر هما مشيو
ماما قربت مني_ها
بصيتلها وغمزت_بس الواد قمر
ضربتني علي دماغي_يا بت اتلمي
ضحكت وبوستها من خدها وجريت علي أوضتي
خدت شاور ولبست لبس بيتي مريح واترميت علي السرير بتعب فتحت فوني وبدأت اقلب في الأكونت بتاعي
وفجأة لقيت مسدج من رقم غريب ببص لقيت صورته
_جبت رقمي منين
=أنا ظابط
_هنبدأ بقي
قفلت الفون وبدأت استعد للنوم
–
تاني يوم”
صحيت بدري وجهزت لبست بنطلون بيچ ضيق وتيشرت ابيض بنص
رطبت وشي وحطيت ايلاينر وجلوس بس
نزلت من البيت وكالعادة بحب أروح شغلي مشي
روحت المستشفى وبدأت شغلي كانت الساعة ١١ الصبح
مرت كام ساعة وخلصت شغل كانت الساعة ٧ بليل
اليوم كان متعب جدا بس الحمدلله عدي علي خير
طلعت من المستشفى كنت حاسه إني دايخه فكان في كراسي قدام المستشفى قعدت علي واحد منهم وفضلت افرك في عيني بتعب
_مالك
رفعت راسي بتعب لقيته!
بصتله بأستغراب_فرقع لوز
بصلي بصدمه_نعم
ضحكت بتعب_أصلك بتطلع في أي حتة فجأة كده
ضحك بعدين بصلي وركز في ملامحي_شكلك مش كويس
اتنهدت بتعب_عادي محتاجة أروح أنام بس
_تعالي معايا
=علي فين
_هناكل سوا وبعدين نروح
=لاء طبعاً مش هينفع
بصلي بهدوء_متخافيش أنا مكلم مامتك ومعرفها إني هعدي عليكي بعد شغلك وهنتغدي سوا
بصتله بهدوء وبعدين أتكلمت_وشغلك
أبتسمت_متشغليش بالك
بالفعل قومت وروحت معاه طبعاً كان حابب يدخل مطعم بس أنا رفضت لأني مش بحب أكل المطاعم ولا الجو بتاعها
_يعني عاجبك قعدة الشارع دي مكنا دخلنا مطعم وخلاص
أبتسمت بهدوء_عاجبني جداً
أنا بتخنق من المطاعم
قعدنا شوية واكلنا سوا وأنا قاعدة بصيت بعيد شوية لقيت شخص كان واقف جنب حبيبته وشايل بيبي
بصيتلهم وبعد ما شوفت وش الشخص ده غصب عني لقيت دمعة نزلت فجأة من عيوني
–
كان باصصلها چون بأستغراب لحد ما لف وشه وشاف اللي هي بتبص عليه بعدين رجع بصلها تاني لقاها بتدمع!
–
_أنتِ كويسة
=ممكن أروح
اتنهد_ممكن طبعاً
–
مر علي اليوم ده اسبوع مكناش بنتكلم خالص غير مرتين وكان هو اللي بيسأل عليا
لغاية ما لقيته فجأة بيرن عليا ودي أول مرة تحصل أنه يرن!
_ألو
=عاملة ايه
_الحمدلله وأنتَ
=بخير
سكتنا شوية بعدين لقيته اتنهد_ممكن نتقابل يا مريم!
_ليه
=في كلام لازم يتقال
اتنهدت وفهمت قصده كويس!
_فاضي دلوقتي
أتصدم_دلوقتي
_لو عندك شغل خلاص
=لا معنديش اجهزي وأنا تلت ساعة وهكون عندك
–
كنا قاعدين في جنينة كده بعد ما نزلنا سوا وهو طبعاً كلم ماما
جابلي عصير وهو جاب قهوة
اتنهدت وبدأت أتكلم بهدوء_من خمس سنين كنت مخطوبة وكنت بحبه جدا لكن للأسف مكنش لينا نصيب سوا!
أو ده اللي كنت بقوله للي سألني فركشت خطوبتي ليه!
حتي ماما متعرفش السبب الحقيقي عشان…
عشان قلبها ميتكسرش..
حاولت أهدي واكتم دموعي_كنت بحبه جدا بس للأسف حصلت حاجة خلتني أتصدم فيه جدا
كان بيلعب بيا وللأسف مكنتش أعرف أن فرحه باقيله أسبوعين حتي!
مش عارفه إزاي وليه بس كل اللي أقدر اقوله إني عمري ما هسامحه ابدا!
اليوم اللي كنا مع بعض فيه لقيته كان واقف! مع مراته وكان شايل ابنه
أنا مش زعلانة أو ندمانه إني سبته لاء ابدا بس ذكريات الفترة دي رجعت في دماغي تاني
أنا كنت بتعالج من الأكتئاب في السر
بصلي بصدمة فكملت_كنت قدام ماما واصحابي قوية وبميت راجل بس أول ما أدخل أوضتي كل حصوني بتتهد!
دموعي كانت عماله تنزل_كنت بتعالج من الأكتئاب في السر كنت بروح لدكتور في السر وباخد علاج في السر
_كفاية عشان متتعبيش
كنت بحاول أخد نفسي وأبطل عياط_عرفت بقي أنك متعرفش عني حاجة
رفعت وشي وبصتله_حبيت أقولك بس عشان دماغك متصورلكش إني حد مش كويس أو إني المفروض إني أوافق عليك وببص لغيرك أو اي حاجه من الكلام ده
_شششش أنا عمري مفكرت في أي حاجه من دول أنا عارف ومتأكد أنك محترمة ومتربية يا مريوم
وصدقيني كلامك ده مغيرش من شكلك قدامي بل خلاكي أحلي وأجمل واقوي!
كمل بهزار_وياستي لو بتعملي كل ده عشان أمشي واسيبك فمتحلميش أنا بلزق في اللي بحبه
بصتله بصدمة_بت ايه
بصلي وضحك
_أنتِ اتكلمتي وده دوري إني أتكلم
فجأة لقيته بيطلع من جيية ورقة مطبقة وعطهالي
بصتله بأستغراب وخدتها
فتحتها لقيت مكتوب فيها
“هتبقي ظابط شطور خالث واثقة فيك”
وتحت الجملة مكتوب”توقيع فراولتك”
شهقت بصدمة وقومت من مكاني_ده أنتَ
بصلي وابتسم_ايوة وبقيت ظابط شطور خالث
ضحكت علي جملته_أنا مش مصدقة أنك قدامي بجد
أبتسم_ وأنا وعدتك
–
فلاش باك
_خلاث يا فراولة انا همثي
بصتله بحزن _يعني مث هثوفك تاني
بصلي وابتسم_أوعدك لما أكبر هجيلك وهتبقي معايا علي طول
باك
–
مر كام شهر واتخطبنا طبعاً بعد ما وافقت بعد زنه الكتير وانهاردة فرحنا
_يلا لفي عايز أشوفك
=لازم ألف وادوخك ورايا
_يابنتي منا لفيت ودوخت وراكي لغاية ما لقيتك
ضحكت بعدين لفيتله_ايه رأيك
بصلي وابتسم بحب_زي القمر يا فراولة
أبتسمت علي اللقب اللي من صغرنا وهو بيحب يقولهولي
قرب مني وباسني في راسي بكل حب
حضني وهمس جنب ودني_بحبك
=وأنا بعشقك
تمت
#حواديت_فونا