صغيرتي بقلم خلود ناجي
نوح تعالي شوف الجديدة
هالة انا قررت خلاص هجوز ابنك لبنتي
هنية بابتسامة خلاص وانا موافقة
من كان يتخيل أن مجرد هزار بين اتنين صحاب من ٢٨ سنة يكون واقع في يوم من الايام وانا ونوح اتجوزنا الحقيقة انا كبرت من صغري علي أن نوح هو شريك في حياتي مش مجرد ابن صاحبة ماما الانتيم وهو كان بيعاملني برضوا علي الأساس دا انا بحبه من صغرنا وهو برضوا كدا رغم اختلاف طباعنا نوح جد اوي وشديد وشخص صريح وواضح في حياته وكمان دقة قديمة برضوا يعني عنده نفس تفكير الناس القديمة اللي هو مفيش حاجة اسمها خروجة مع زمايلي في الشغل مفيش داعي للخروجات الكتير البيت والعايلة هما اهم شي في حياتي اني اهلي اديهم بلا مقابل واعيش عشانهم بالمعني الحرفي بس في نفس الوقت يكون لينا رأينا الخاصة هو راجل بيرفكت الحقيقة ومثالي اوي من نظر الكل بس لو يبطل غيرته دي وأفكاره القديمة دي تتغير الحقيقة انا بحبه اوي بس نفسي يتغير شوية ودا سبب مشاكلنا كل يوم نوح عنيد اوي وعشان كدا مش بقدر اغير رأيه
عشان خاطري يا نوح
رؤي قولت مليون مرة مفيش شغل وبعدين يا حبيبتي أنت مش محتاجة الشغل في ايه بلاش تتبهدلي برا أنت تقعدي في بيتك واللي تطلبيه عيوني ليك يا ست البنات
يا نوح بحس بملل كبير والله في البيت وبفضل لوحدي
اقعدي مع ماما انزلي شقتها واقعدوا مع بعض اعملي اي حاجة بتحبيها
انت عارف اني بحب الشغل يا نوح عشان خاطري وافق واوعدك اللي تطلبه هعمله
متأكدة
متأكدة
تمام موافق بس شرطي مفيش تجاوز حدود الشغل شغل وبس مش عايز هزار لو لاحظت الشغل اثر عليك هتسبيه علطول ولو ربنا كرمنا وخلفنا هتسيبي الشغل علطول صح متنسيش معادك مع الدكتورة النهاردة
نوح انا فقدت الامل في الخلفة الحقيقة
ربنا كريم …ادعي بس…هنزل انا الشغل وبكرا نطلع نغير جو ونتفسح مع بعض
احلف بالله
ضحك والله يا ستي
نوح دا حقيقي بطل حياتي كلها زوج لطيف مراعي وابن صالح و شخص كويس وجميل لو اتكلمت عنه من هنا لبكرة مش هخلص اهم حاجة اني اخيرا هشتغل الحقيقة انا محاسبة فقررت اشتغل محاسبة في شركة واحدة صحبتي رشحتني فيها .. . الشركة مش كبيرة اوي بس لا بأس بيها برضوا مؤهلاتي اعلي من كدا بس مش مشكلة بكرا وبعده همسك مكان كبير في الشركة دي ….
ا نا اسفة …حقيقي مكنش قصدي ….اي دا عاليا ! عاليا محمد مش مصدقة نفسي اخبارك ايه
انا بخير الحمد لله بس مين أنت !
انا رؤي اللي كانت معاك في الجامعة وكنت بتشرحيلنا … اصبري … انا رؤي هاي كلاس زي ما كنتوا بنتريقوا عليا
ضحكت رؤي افتكرتك فعلا … كدا عرفتك اتغيرتي خالص وواضح انك عقلتي
لا دي خدعة مش اكتر أنت اتغيرتي خالص بقيت هادية اوي تعالي نقعد مع بعض أنت بعدتي ليه احنا كنا أصحاب ٥ سنين مع بعض …اه مش مقربين اوي بس كنا نعرف بعض وبنروح الجامعة ازاي نسيتيني !
مش حوار نسيتك والله بس انت لابسة نضارة كبيرة وميك مغير ملامحك اوي وكمان اسمك الحقيقي رقية وانا بحب اسمك دا
ابوس ايدك بلاش تقولي الاسم دا انا بحب اسم رؤي بلاش تعملي زي جوزي …صح أنت اتجوزتي وعندك كام طفل وأخبارك ايه !
انا كويسة شغالة في مدرسة هنا مع الاطفال ومش متجوزة ولا حاجة
اټصدمت لدلوقتي !!! بعتذر مش قصدي والله … طيب هات رقمك عشان ابقي اكلمك بعدين
اوك …..
الحقيقة دي حكايتي انا عاليا … ودي رؤي صحبتي من الجامعة رغم اني اكبر منها و…. مرات جوزي … حاجة تضحك صح. … المضحك اكتر اني الزوجة التانية واني هي اللي اخترتني لجوزها…… تعرفوا الحوار كان كتير من يوم المقابلة دي وعلاقتنا بقيت اقوي بقينا أصحاب سنة كاملة سنة بقينا فيها زي الاخوات بنتقابل كتير عارفة عنها كل حاجة وهي برضوا رؤي شخصية لطيفة وجميلة بس متحررة بتحب الحياة اوي اوي والشغل والمناصب ودي سبب مشاكلها مع جوزها طبعا الكل هيفكر اني بقول كدا عشان الومها بالعكس أنا بحبها بجد وشايفاها أختي الصغيرة ورغم علاقتي القريبة بيها اوي دي عمري ما قابلت جوزها غير مرة واحدة بس يوم عيد ميلاد رؤي وكنت في بيتها وهو وقتها أصر يرجعني البيت رغم رفضي بس مع إصرار رؤي وافقت …..
أنت كويسة !
عيطت اه كويسة …
لا واضح انك تعبانة …نروح المستشفي
لا انا كويسة…..اااااه يا مامااااااا
لا احنا لازم نروح المستشفي
عيطت كتير من الالم انا عارفة اني دي الزايدة بس متوقعتش اتعب اوي كدا …. مكنتش قادرة اقف علي رجلي وحقيقي كنت پصرخ من الالم بس هو سابني في العربية ودخل جاب كرسي متحرك وقعدت عليه من الالم …يارب اؤجرني علي كل الألم دا …..يارب ارحمني برحمتك…. ووقتها الدكتور قرر يعملي العملية عيطت زي العيال الصغيرة من الخۏف عارفة الممرضين اتريقوا عليا بس مش مهم …انا مش هعمل العملية
انا مش هعملها
الدكتور لازم تتعمل و……
قولت لا مش هعملها
نوح بهدوء هتعملها يا دكتور متقلقش
اتعصبت عليه قولتلك لا مش هعملها
ازاي عيطت واتعصبت بالشكل دا علي واحد اول مرة اشوفه ورغم كدا هو فضل هادئ معملش اي حاجة … بس قعد جنبي لما لاحظ عياط بيزيد
انا عايزة بابا …عايزة ارجع البيت بالله
متقلقيش والله دي مجرد عملية بسيطة
عيطت اكتر لا انا ھموت….انا ھموت لوحدي مش عايزة مۏت مش عايزة
مش هيحصلك حاجة مټخافيش…
لا ھموت ھموت بجد
الممرضة احنا محتاجين نجهز بقي للعملية
خۏفت اكتر ومسكت أيده وعنيا بتترجاه ياخدني ونمشي من المكان دا طول عمري بخاف المستشفيات والدكاترة وبكره ريحة الأدوية…..
اوعي تسيبني لوحدي ….. اياك تمشي
هفضل موجود ومنتظرك لما تصحي مټخافيش
بلاش تمشي بالله
سابت أيدي واخدتها الممرضة هو ازاي دا حصل ومن أمتي انا بسمح لحد يقرب كدا …. حقيقي صعبت عليا اوي لما رؤي پتخاف مش بتكون كدا دي جسمها كان بيترجف من كتر العياط … انا هكلم رؤي تكلم أهلها أو تيجي تقعد معايا ….
رؤي بنعس الو يا نوح … يعني اتاخرت
ها… لا خلاص هو أنت نايمة يعني بطلتي تتنظريني يا رؤي ونسيتني خالص نسيتي نوح خالص وبقي اخر أولوياتك
عندي شغل بدري يا نوح والله بكرا ڠصب عني
طيب يا رؤي
هنام ونتكلم بكرا عشان نعسانة
رؤي اتغيرت اوي من وقت ما اشتغلت وزاد اكتر لما اترقت رؤي ذكية وشاطرة وجميلة بس تفكيرها مختلف تماما ومتحررة ودا ببضايقني والحقيقة انا تعبت من حوار شغلها دا تعبت بس هي بټعيط وتستغل حوار الخلفة دا وأنها لوحدها وبتخليني أتنازل عن رأيي ….بس
موقع أيام نيوز
رؤي بقيت بعيدة عني خالص لأول مرة من سنين تنسي عيد ميلادي من كام شهر مش بنقعد مع بعض حتي بطلت تعمل اي شي بحبه بطلت تفكر فيا اصلا أو تسأل عليا …حتي نظراتها ولهفتها اتغيروا…. بس دي رؤي حب حياتي ومش هسمح لشئ تافه زي دا ياخدها مني …. هاخد إجازة شهر كامل عشان نشوف الحوار دا يا ست رؤي …بس نشوف صحبتك الأولي……
الف سلامة عليك
هو لسه موجود ! هو بجد موجود غريب الإنسان وغريب راحتي معاه الحقيقة هو وسيم وجميل وراجل بجد حد من غير ما يعمل اي شي تعجب بيه ثقته بنفسه هدؤه ابتسامته الدايمة…سماره … كل شي فيه مميز وشهامته …بس متوقعتش أنه يبات ليلة في مستشفي عشان خاطر حد اول مرة يشوفه …. محظوظة اوي يا رؤي يا بختك بيه …الحياة لو اخدت منك كل شي وادتك واحد زي نوح اعتقد مش هتحسي بخسارة .استغفر الله العظيم ايه اللي بفكر فيه دا ربنا يبارك فيهم لبعض ويديمهم دا جوز صحبتي يعني اخويا مينفعش افكر فيه كدا يا رب سامحني يارب اغفر لي … يارب سامحني….
محمد حمد لله على السلامه يا بنتي
الله يسلمك يابابا
محمد تعبناك معانا يا بني
تعبك راحة يا عمي انا خلصت كل الإجراءات ونقدر نمشي يلا عشان اوصلكم
محمد لا يا بني امشي انت انا معايا عربيتي و….
والله ما ينفع اوصلكم بنفسي
محمد بهدوء ربنا يبارك فيك يابني
من اليوم دا وڠصب عني قلبي اتعلق بيه ٣١ سنة عمري ما رفعت عنيا علي راجل ولا فكرت احب أو ارتبط بجد او حتي افكر في حد ولما احب حد يكون جوز صحبتي يارب خدني وارتاح من نفسي انا قرفانة من نفسي لدرجة اني عايزة اڼتحر انا مش وحشة انا مش قادرة ابطل تفكير فيه دموعي وۏجعي كل يوم بيزيدوا وعشان كدا بعدت خالص عن رؤي شغلت نفسي في شغلي وبيتي قررت ارجع للرسم والخياطة واصمم لبسي لنفسي بعدت خالص بعدت وطلعت صدقات كتير اني ابطل تفكير فيه واني ربنا يبارك فيهم ويحفظهم لبعض كل دعواتي في القيام اني ربنا يحفظهم لبعض … کرهت نفسي واحتقرتها لأول مرة ….ليه بجد … انا عارفة اني دي وسواس شيطان واني مستحيل احبه….. انا مش وحشة عشان اعمل كدا في صحبتي انا مش كدا … مر ٤ شهور متواصلين وانا بتجنب رؤي تجنب تام … انشغلت في حياتي و معنديش دقيقة حتي اني اكل …بس … عندي العمر كله عشان افكر فيه ….طيب ليه! يارب ….يارب ارحمني يارب يارب طول عمري صابرة والله وعمري ما قولت حاجة بس ليه يارب قلبي يتعلق بيه هو يارب انا عارفة اني متعلقة بيه لمجرد موقف جدعنة طول عمري بقابل ناس كتير وافضل منه بس المرادي فعلا قلبي اتعلق بيه ….يارب القلوب بين ايديك …يارب ارحمني وانزع حبه من قلبي…لا دا مش حب …دا مجرد وسواس شيطان وبس مجرد تفكير فيه عشان أنا وحيدة….انا بكدب علي نفسي انا مش عيلة صغيرة …انا مش بكدب علي نفسي طول عمري صريحة ومستعدة اكتفي بنفسي ولا اني اخد اي واحد وخلاص …. يارب اعمل ايه طيب …يارب ارشدني……
رؤي!!!!
اټخضيت لما لقيت رؤي عند بيتي…. كانت متغيرة شوية لبسها بقي أضيق وغيرت الحجاب لتربون …وكمان هي نفسها اتغيرت …. بس هي بتعمل ايه عندي
اه رؤي يا اخت عاليا رؤي اللي حرفيا رميتيه ولا بتسألي فيها من شهور…. خاسة اوي وتعبانة كدا فيه يا عاليا
اتوترت لا عادي الشغل بس
شغل ايه ! انت مش محتاجة شغل وكمان واضح علي عنيك انك معيطة…أنت كويسة !
اه الحمد لله انا كويسة انت اخبارك ايه !
انا هكون كويسة لو وافقتي علي طلبي
دقيقة طيب اعملك عصير وعنيا ليك
يعني هتوافقي
طول ما في أيدي دا واقدر اعمله انا موافقة….
ابتسمت أنت الوحيدة اللي تقدري تعملي كدا … وخصوصا أنك هتنقذي جوازي وحياتي كلها
استغربت في ايه يا رؤي!
انا جاية اطلب ايدك لجوزي نوح
اټصدمت والكوبايات وقعت من أيدي …. حاولت ابتسم مقلب سخيف شبهك
بس دا مش مقلب انا بتكلم جد
أنت مچنونة انت عارفة بتقولي ايه !
بصي انا عايزة اعيش حياتي يا عاليا ونوح عايزة زوجة وواحدة تهتم بيه ال٢٤ ساعة وانا الحقيقة عجبتني الحياة الجديدة ومش عايزة اتخلي عنها…. وكمان فكرة حلوة هكون زوجة ٣ أو ٤ أيام في الأسبوع و….
اتعصبت أنت مچنونة دا مش لعبة
عارفة …بصي يا عاليا انا عايزة احافظ علي جوازي وأنت عايزة تتخلصي من الوحدة…. احنا الاتنين هدفنا مختلف بس النتيجه واحدة …انا بحبك بجد وعشان كدا رشحتك لجوزي و….
هو وافق
في الاول رفض بس مع اصراري وافق كان فاكرني بهزر
هو أنت بتحبيه بجد ! ازاي مش غيرانة عليه
انا بحبه بس عادي علفكرة عندي أصحاب كتير حياتهم كدا يا عاليا انا همسك منصب قريب واحتمال اسافر برا وحقيقي مش مصدقة اني نجحت كدا في شغلي بس نوح دماغه دي وطريقة أفكاره كرهتني في حياتي انا بحبه بس جبت اخري من كدا والاقتراح دا مناسب
هو أنت مچنونة دلوقتي لما تعقلي هنتكلم ….فوقي يا رؤي دا جوزك مش لعبة
علفكرة انا مش بهزر ولولا أني عارفة انك شبهه وهتكون زوجة مناسبة لولا جتلك … اصحابي عرضت عليهم رفضوا محدش هيتحمل تحكماته وغيرته
اتعصبت أنت مچنونة رسمي. … مچنونة….أنت بتهزري طيب واهلك وقصة حبكم و….
كل دا موجود وانا بحبه والله بس عايزة مساحة في حياتي …وافقي ارجوك
محمد السلام عليكم ورحمه الله وبركاته
رؤي وعليكم السلام يا اونكل …اعرضي علي اونكل كلامي ولو وافقتي نوح هيبجي بكرا علطول
اتعصبت وهي مشيت إنسانة باردة ….ايه دا بجد …عيطت قدام بابا من الضغط النفسي دا …هو انا انت يارب عملت ذنب ايه عشان يحصل فيا كدا …ليه حاسة اني هم الدنيا كله في قلبي دلوقتي …. يارب عفوك ورضاك يارب ….ارحمني يارب العالمين وألطف بيا وبقلبي
مبروك يا بنتي
سكتت وابتسمت بهدوء اتجوزته فعلا غريبة الدنيا دي اتجوزت الشخص اللي فعلا بحبه بس قلبي ۏجعاني اكتر انا حاسة اني سړقت شئ وعملت غلطة كبيرة بس بابا وافق …. لسه فاكرة كلام بابا وإجباره علي اني اوافق ….
يابابا دا جوز صحبتي انا مش عايزة اتجوز
انا خلاص يا بنتي تعبت وسني كبر عايز ارجع البلد اعيش بين اخواتي واهلي اخواتك كلهم اتجوزوا
خلاص استقيل واسيب كل حاجة واجي معاك
اتعصب لا طبعا الناس تأكل وشي … انت العمر دا كله ومش متجوزة أخواتك في عمرك كان عندهم بدل العيل اتنين …وافقي وريحيني
مش قصدي يا بنتي ازعلك بس انت كبرتي خلاص ارضي بأي حاجة …هو
راجل كويس وانا مطمن عليك معاه
تمام يابابا
ببساطة اه وافقت … مش عايزة اعمل دراما بس عادي … هو وانا ورؤي اتفقنا محدش يعرف حاجة عن عرض رؤي … نوح اتجوزني عشان اخلف وبس … ودا اللي هيتقال …. نوح …. نوح في عالم تاني … كان واضح أنه زعلان اوي وانا مقدرة دا … بس رؤي كانت مبسوطة ازاي هي مبسوطة نوح راجل مينفعش يتشارك …اللي فهمته اني نوح وافق عشان رؤي اقنعته انها مش بتخلف بس كان اتجوز واحدة صغيرة أو ….. تصدقوا حاجة انا عمري ما حبيت نفسي الكل شايفني واثقة في نفسي والكل يحلم بحياتي بس انا بكره نفسي اوي …بكره وحدتي انا اخر العنقود ماما خلقتني وبعدها بكام سنة جالها الکانسر واټوفت واخواتي اتجوزوا كلهم وسافروا وانشغلوا بحياتهم وبابا خلاص قرر يعيش مع اخواته في البلد ….انا حرفيا لو مۏت مفيش حد هيحس بيا انا بخاف الوحدة بجد …انا برضوا وافقت علي الجواز دا عشان يكون في حد في حياتي لو مت يعرف …. المشاعر دي وحشة اوي نفسي تختفي ….
انا عارف كل حاجة وعرض رؤي انا مفكرتش أنها بتتكلم جد …بس عارفة أنت زيك زيها فكرتك شخص نضيف بس طلعتي خبيثة أنت اللي اقنعني رؤي بالفكرة وعشان هي طيبة وافقت طبعا أنت يعنيني وحيدة ونفسك في راجل يعيش معاك أو يعطف عليك ويتجوزك … بس في المقابل معندكيش مشكلة انك تخربي جوازي برؤي ….أنت اثرتي عليها لدرجة أنها لأول مرة في حياتها تهددني جوازي بيك مقابل استمرار جوازنا انا وهي…. .. فعلا إنسانة خبيثة….هتكون مراتي ومسؤولة مني وهتقي الله فيك وهخلف منك بس عارفة حاجة …. هكرهك في عيشتك عشان استغليني طيبة رؤي
ابتسمت رؤي بريئة فعلا بس مش لدرجة أنها تتنازل عن جوزها …نوح معذور راجل حب حياته اتنازلت عنه فمتوقع يعمل اكتر من كدا …. طبعا شوفت الچحيم بعيني من معارفه ومن الناس كلها…. كنت عانس اترقيت لزوجة تانية وخطافة راجل …تطور ملحوظ …. مش هعيط ولا هضعف انا قررت اني ادخل حرب يبقي اتحملها كلها بس عشان ايه ….حربي دي كلها عشان ايه ….. هكسب ايه في الاخر ! …….
الاكل …
مش عايز
حرفيا نوح مش طايقني بس بيعاملني كويس تعرفوا حاجة انا مبسوطة اني اتجوزته اتجوزت راجل رغم كرهه الشديد ليا بس بيتقي ربنا برضوا … هو بيبات عندي ٣ أيام وبيصرف عليا و بيحترمني قدام الكل بس …. مش لازم بس دا كفاية عليا ….
هنية ادخلي
دي عباية عجبتني اوي جبتها لحضرتك و….
شكرا مش عايزة منك حاجة
اتحرجت … هي حقها طنط مش راضية اصلا علي الجوازة دي وخصوصا انها بتحب رؤي اوي …قررت اني هفضل في شقتي ومش هكلم حد ….
هو ممكن اروح لصحبتي
براحتك بس خليها الاول تتأكد اني جوزها برا البيت
قصدك ايه
بلاش تمثلي عليا
انت شبهي علفكرة وافقت عشان عايز مني شي انا عايزة تخلصني من نظرة المجتمع ليا وانت عايز تخلف وترضي مراتك الحلوة … بس مش قادر تواجه نفسك فبلاش تكلمني كدا
ماشي هخليك ټندمي علي كلامك دا …
سابني ومشي وانا عيطت انا مش ضعيفة اصلا انا بسمع كلام الناس ومش برد عشان حقيقي مش فارق معايا …انما هو فارق معايا هو وأهله عشان يعتبر اهلي خلاص انا فعلا زعلانة ليه رؤي الضحېة وانا الظالمة …ليه محدش مقدر حالتي ليه محدش مقتنع اني مليش ذنب في حاجة …بس انا قررت اني مش هبان ضعيفة واني أواجه كل حاجة لوحدي زي ما اتعودت ….كتبت كل حاجة في المذكرة بتاعتي ….. دي صديقتي الحقيقة …فيها كل حاجة ومشاعري ناحية نوح وبابا ومشاعري لما شافني عبء عليه ….زعلي من اخواتي…. احتياجي لماما … هروبي من الكل ….خۏفي الحقيقي من الناس … ړعبي من اموت لوحدي …. حلمي اني يكون عندي اطفال كتير وعايلة كبيرة…. حلم جميل اوي …كتبت فيها كل حاجة …. وفيها…. رسمي لملامح نوح من قبل ما اتجوزه …. الحمد لله علي ابتلاءي البسيط دا …الإنسان مبتلي في احب شي لقلبه …..وانا بحب نوح وهو مش بيطيقني … كفاية أنه كويس رغم أن كلامه ييكون زي السم اوقات …..
رؤي متزعليش من ماما وطنك
عادي اتعودت يا رؤي
بصي هما عشان بيحبوني متضايقين منك….
مش مشكلة
بصي انا همشي دلوقتي عشان عندي بكرا ميتيج مهم مع عملاء من روسيا ولازم احضرله كويس….ممكن تعملي اكل عشان خاطري وعشان نوح هييجي ويتخانق معايا
طيب يا رؤي
رؤي أهملت نوح فعلا من وقت جوازنا اوقات كتير بياكل برا أو يشتغل اليوم كله برا …. الكل شايف اني انا السبب واني بوظت علاقته بمراته….كل مرة كنت بتحمل كلام الناس بس مستحيل انسي اول يوم رمضان لما أهل رؤي واخواتها البنات والكل متجمع علي الفطار واتخانقوا ونوح طلع برا ورؤي كانت بټعيط وقتها مامتها اتخانقت معايا ……
هالة بحړقة بحق آذان المغرب والوقت دا ربنا يبتليك في اغلي ما ليك ويحرمك ويوجع قلبك يا شيخة….
هنية پخوف حرام عليك يا هالة ليه كدا تدعي علي البنات … اطلعي يابنتي شقتك وانا هبعتلك الفطار
لا … انا مش عايزة …شكرا
معرفش ازاي نطقت بس معرفتش اطلع شقتي وطلعت برا …. المغرب اذن والكل بيفطر بس انا ماشية اعيط في الشارع دموعي بتنزل وقلبي مقهور اوي ليه تدعي عليا كدا ليه كدا …انا معملتش حاجة هي تعرف عني ايه عشان تدعي عليا كدا … بتدعي ربنا يحرمني….ماانا محرومة فعلا…. معنديش ام تقف جنبي دلوقتي وترد عليها وتزعل عليا …معنديش اخت حنينة اتصل عليها احكيلها….معنديش حد بجد …
حتي جوزي هو مش ملكي ….انا معنديش حاجة ….
أنت ليه برا دلوقتي ….اركبي
ركبت وقعدت ساكتة …محاولتش امسح دموعي ولا اتكلم….لفينا ساعة كاملة في الشوارع…. وبعدها طلعت شقتي من سكات …..
نوح رؤي بقيت إنسانة فظيعة كل همها الشغل مش بشوفها حتي في البيت ولا بتعمل حتي اكل ولا بتكون موجودة الايام اللي ببات فيها عندها … وكذا مرة اشوفها في كافيهات مع مجموعة من زمايلها ولما اټخانق معاها تتحجج بالشغل وامي واقفة معاها وشايفين أنه ڠصب عنها والوحدة صعبة …. النهاردة جبت اخري الهانم مصرة تفطر برا مع زمايلها عشان الشركة وبيحتفلوا طيب واحنا فين حياتها…. اتخانقنا لأول مرة وماخدتش بالي من وجود حماتي واخواتها….معرفش حقيقي حصل ايه بعدها عشان ماما تكلمني تقولي اطمن علي مرات التانية….كنت ناقصة الحكاية قرف ….. دورت عليها في الشارع لقيتها ماشية بس اټخضيت لما شوفت عينيها … كانت ډم حرفيا ….حتي ملامحها باهتة ومخطۏفة وخاېفة ….قلبي ۏجعاني اوي عليها …هي دي الأمانة …… لو رؤي مكانها كنت هتحمل اشوفها كدا ….ركبت العربية ومنطقنش حرف …
دموعها بتنزل وهي مش بتتحرك حتي …. محاولتش اقرب منها … لفيت كتير بالعربية وانا ذهني مشغول بيها…. ايه اللي وصلها للمرحلة دي …… رجعنا البيت وهي طلعت الشقة ونامت…. هي اتحولت كدا ليه …رغم كلامي معاها وخناقي كانت مبتسمة وتضحك وعينيها بتلمع…. ليه مرة واحدة بقيت كدا ….
هنية مراتك كويسة
بسخرية اي واحدة
نوح … خلي بالك من عاليا يا بني البنت غلبانة والله انا زعلت من هالة أنها دعت عليا واتخانقوا معاها الكل رغم أنها يا حبة قلبي كانت لسه نازلة تجبلي بس كام طبق…. يا ريتني ما قولتها تنزل …عارف انا ڠصب عني يا بني بس حاسة أنها ظلمت رؤي …انا بعاملها كويس بس مش قادرة اقبلها…. اوعي تكون كدا يابني….خلي بالك منها…هتقف قدام ربنا وتتسأل عنها وانا برضوا ….هحاول والله اعاملها كويس …
كل حاجة من اليوم دا اتغيرت ذهني بقي معاها هي …بس هي بقيت في عالم تاني …رغم أننا في شهر رمضان وبنتجمع تحت عند امي الا أنها قررت تكون لوحدها فوق ورؤي خدت إجازة شهر وبتهتم بكل حاجة رغم سعادتي وفرحتي بس جزء كبير مني زعلان علي حالتها دي …في الاول لما كنت ببات عندها كانت بتخلي الشقة كلها حيوية بتضحك وتشاغب وأوقات بشوفها بترسم أو تعمل لبس بالإبر زي ما اتعودت اشوفها او حتي تعمل أكلة جديدة بس دلوقتي الشقة هادية اوي كأني مفيش حد …. حتي لما بروح الشقة مش بسمع صوتها بلاقيها علطول نايمة …. دايما بتصلي أو تقرأ قرأن وبس….. واضح انها خست اوي … عينيها مش بترفعهم …… اعترف اني من اول شوفتها وانا مسحور بعينيها واللمعة اللي فيهم …بس دلوقتي هي سكتت…. هديت خالص…..
تيجي معانا……
لا شكرا
منتظرتش اكمل كلامي حتي … افتكرت لما كانت تيجي تتحايل عليا اروح معاها نشتري طلبات وكنا بنلعب ورقة حجر مقص وفي الاخير هي بتكسب وبوافق ….
هنية مش حابة تعرفي يا بنتي هنروح فين…احنا هنجيب لبس عشان العيد
رؤي تعالي معانا وهنجيب لبس كتير ونفلس نوح
رفعت عينيها ناحيتي بس بعدتهم بسرعة
شكرا …محتاجة بس اقعد اكمل الختمة …كمان انا عليا درس تدبر سورة النور والشيخة هتكلمني وفي حلقة وكمان عليا سورة النساء تسميع …
رؤي طيب ما اهي عاليا مشغولة دايما يا نوح اشمعنا بتتخانق معايا انا عشان الشغل
نوح أنت حبيبتي انما عاليا ……
انا غبي…..حقيقي غبي …. ماما بصتلي بلوم خصوصا لما رؤي ضحكت بعفوية وباستني في خدي انما هي ابتسمت بهدوء ونزلت عنينها……
هنية اطلعوا انتوا انا هقعد مع عاليا
لا اطلعوا كلكم …حقيقي انا هنام بعد شوية … اهم حاجة تتبسطوا
هنية طيب تعالي يا رؤي نلبس
رؤي انا هلبس براحتي بقي ….
هنية بهمس راضي مراتك يا نوح ….وافتكر عاليا زي رؤي … عاليا مراتك برضوا
حاضر
فضلنا قاعدين ساكتين….حسيتها عايزة تقول حاجة ….لأول مرة اركز في ملامحها …هي هادية ازاي كدا ملامحها هادية اوي ومريحة …
هو انت راضي عني
استغربت سؤالها الحقيقة مش فاهم !
انا مراتك وانت جوزي وعارفة اني مقصرة و…. مش عارفة الحقيقة حياتنا ازاي ماشية….بس اتمني قدام ربنا اني اكون زوجة صالحة …اتمني من خلال بري لأهلي أو طاعتي لزوجي ربنا يرزقني الجنة….
فضلت ساكت الحقيقة ….مصډوم …بس فرحان بس زعلان اني عندي زوجة كدا بس مش قادر احبها ….ليه نتقابل ونتجوز في ظروف كدا …تعرفي لو رؤي مكنتش حب حياتي كنت حبيتك وكنت هكون طاير من الفرحة انك مراتي اني عندي واحدة شبهك واحدة رغم بشاعة الظروف لسه بتدور علي أهلي وصبرك واحتسابك علي كلام الناس وتعاملهم ورقتك في التعامل وقت الخلافات …. انا بحس بندم اني اتجوزتك …ياريتنا ما اتقابلنا ….قلبي بدأ يتحرك ناحيتك ودا شعور وحش اوي يا عاليا
تعرفي حاجة ….ياريتني ما قابلتك ولا رؤي كانت تعرفك
كتبت الجملة دي تعرفوا في جمل كتير في حياتي لما سمعتها حسيت روحي هتطلع منهم الجملة دي … الجملة ٨ … ٣١ سنة فيهم ٨ جمل قادرين يخلعوا قلبي من الۏجع …. بابا وجملته… دعوة طنط هالة…. واخيرا جملة نوح …. عارفين لما سألت نفسي انا دخلت الحړب دي ليه….هكسب ايه كدا كدا معنديش حاجة اخسرها…انا دلوقتي عرفت….كنت عايزة اكسب حب نوح …بس بخسر عاليا دلوقتي …. عاليا بقيت ضعيفة وهي عمرها ما كانت كدا ….خلاص عاليا متجوزة …بس هتعيش لنفسها برضوا…. هتقي ربنا في جوزي بس برضوا مش هبكي كل شوية ……
هنية ودي عيديتك يا بنتي وكل سنة وأنت طيبة
نوح وقتها ابتسمت …اول مرة تبتسم كدا وعينيها تلمع …. ماما حضنتها وباستها ….. والحقيقة في شعور غريب حاسس بيه … لما شوفتها في حضڼ امي وهي مبسوطة كدا … اتمنيت العمر كله تضحك وتكون مبسوطة واسمع صوتها وهي بتتكلم…. وحشني صوتها بجد
انا عايزة اتاكد …هو فعلا انا حامل ولا ايه … بكرا اكلم ماما هنية واروح معاها … الحقيقة انا قررت اني مش هعيش ضحېة الحياة كافتني بام زي ماما هنية حنية وهي فعلا طيبة وكمان عندي زوج لطيف وكويس ومش مهم الباقي …ورؤي كويسة هو اه مش بشوفها خالص بس هي كويسة …. الحياة فعلا مش عادلة بس ربنا عادل واهم حاجة نرضي …. كلنا عندنا ابتلاءات في حياتنا بس نظرتنا بتختلف فيه اللي بيركز علي الابتلاء وينسي كل النعم……وفيه اللي بيحمد ربنا علي الابتلاء عشان حسسه بقيمة النعمة….فالحمد لله دايما وأبدا….يارب ادخل الجنة……
نوح كانت نايمة جنبي وباصة للسقف ومبتسمة…هي اټجننت ولا ايه …. عينيها جت في عنيا اتكسفت ولفت وشها الناحية التانية ….. هي دلوقتي بتتجاهلني ليه بقي …يارب متجوز اتنين ومطنشيني …. انا حياتي كدا ليه ….
رؤي احلفي … أنا مبسوطة اوي
فرحت أن عاليا حامل عشان ارتاح من زن نوح …الحقيقة انا اتعالجت من سنة اني فعلا كان عندي مشكلة في الخلفة بس مع الأدوية بقيت كويسة بس مش عايزة اخلف وباخد حبوب منع الحمل من ورا نوح …. انا مش وحشة بس حياتي اهم ومش عايزة اهد دا كله انا قبلت واحدة تشاركني فيه رغم اني بحبه عشان بس تجييله عيل وارتاح من الصداع والذنب دا ….انا دلوقتي مبسوطة … النهاردة اخيرا مسكت منصب المدير التنفيذي….اصغر مديرة … انا مبسوطة اوي
هنية بفرحة تعال يا نوح في خبر حلو
رؤي وانا عندي خبر حلو
خير يا جماعة …. مش مرتاح
هنية عاليا حامل
رؤي وانا بقيت المديرة التنفيذية اخيرا …. حلمي اتحقق
عاليا لاحظت أنه فضل ساكت الحقيقة نوح بيصعب عليا اوقات …. انا ورؤي وطنط هنية حققنا اللي عايزينه طيب هو !….. هو عايز ايه ! بس حياة بسيطة مع حب حياته وطفل منها …. نظرات عنيه كانت بتقول أنه مش عارف ولا قادر يفرح…. معرفش حقيقي ازاي قربت منه وحضنته كدا لفترة طويلة….فترة
طويلة وانا بحاول بس اطمنه اني فعلا حاسة بيه ولو عليا مستعدة اعمل اي حاجة عشان يكون مبسوط …انا فعلا بحبه دي حقيقة …بحب نوح لانه فعلا يستحق كل الحب اللي في الدنيا حنين ونضيف وكريم وبيتقي ربنا وراجل….. نوح بالنسبالي حاجة كبيرة اوي ….
نوح مبسوط!! كنت اتمني اني رؤي هي اللي تكون حامل …. لاحظت نظرات عاليا … بحس بذنب كبير اوي كل ماألمح عينيها …هي ملهاش ذنب برضوا … هي مراتي برضوا …. معرفش حقيقي ازاي هي حضتني كدا بس لأول مرة أقرر انسي رؤي والكل ….وارتاح …. انا بستغرب الراحة اللي بلاقيها في وجود عاليا …. حسيت اني اخيرا فاهمة شعوري وعينيها مش بتلومني …
رؤي مش عارفة ليه مرة واحدة اتضايقت خصوصا اني نوح كانت نظراته بس علي عاليا …كمان لما حضنته كان مرتاح …. قطع تفكيري رنة تليفوني هروح احتفل مع ماما ومش هضيع فرحتي عشان حاجة تافهة
هنية عرفت اني ابني اخيرا لقي راحته هو بيحب رؤي من زمان بس هو اللي متمسك بالعلاقة بس…. انما عاليا عاقلة وبتحبه و بتعرف تفهمه …وهو كمان بيحبها ومحتاجها رغم أنه بينكر …يارب قرب بينهم وابنهم يكون سبب في كدا
بقيت كويس
نفسي اكون كويس بجد يا عاليا
هترجع افضل من الاول كمان يا نوح …بس دلوقتي انت محتاج تركز في شغلك بقي
اه والله …هطلع انام وصحيني بعد ساعة
حاضر و هعملك اكل حلو
شكرا يا عاليا …اهم حاجة بلاش تتعبي نفسك وبكرا نروح نتابع مع دكتورة اعرفها
تمام حاضر
ابتسمت… اخيرا حسيت الحياة بدأت تضحكلي فعلا …. نوح اغلب الوقت عندي ومعايا …تعرفوا اني الدكتورة قالتلي الحقيقة وأني رؤي مش عايزة تخلف اصلا…. اټصدمت بس محبتش اتكلم….بس الحقيقة انا مستغربة … ليه رؤي تعمل كدا بجد !!!! معقولة حبها للشغل وصلها لكدا …. مر ٥ شهور وعلاقتي بنوح بقيت قوية الي حد ما …بقيت حاسة اني عندي حياة فعلا …كنت مبسوطة اوي اني اخيرا ملكت اللي بحبه
هنية كلي دي عشان خاطري
يا ماما انا بقيت بطيخة ماشية علي الارض
هنية برضوا قمر
حطيت راسي علي رجلها وهي بدات تلعب في شعري ….
تعرف يا ماما انا مبسوطة اوي اني هخلف اخيرا انا حياتي كلها منتظرة اللحظة دي …منتظرة اللحظة دي بصعوبة تعرفي رغم اني سني كبير والكل قال صعب اخلف بس ربنا كرمني و دلوقتي اهو حامل…. هربيه حلو اوي وهعيش عشانه وبس….عارفة انا بحب نوح اوي اوي يا ماما بحبه من قبل ما نتجوز نوح بالنسبالي بطل احلامي كلها …لو تعرفي بشوفه ازاي وهو غالي عندي ازاي…. قلبي مش بيعمل حاجة غير أنه يحبه وبس …..ضحكت .. بس دلوقتى بقي هحب ابني اكتر ….اتمني بقي يكون شبه أبوه …. ابقي اديني صورة لابنك بقي
ضحكت وليه صورة والأصل عندك
ضحكت اقولك سر ….والله بتكسف منه شوية وخصوصا لما يركز معايا
ضحكت طيب قومي اقعدي كويس عشان تأكلي
ياماما كفاية بقي
بنت اسمعي الكلام
نوح ابتسمت معرفش ليه لما سمعت كلامهم طلعت الشقة علطول … شقتها دلوقتي بقيت ملاذي … نمت وانا علي وشي ابتسامة مستغرب وجودها بس عارف انها مصدرها ودا كافية عندي ……
هنية ايه الصوت العالي دا !
پخوف مش عارفة ….دا صوت نوح
اتفاجنا لما لاقينا نوح ماسك رؤي وبيتخانقوا وهما جايين من برا …..
نوح بعصبية مفيش شغل تاني ولو فكرتي تعاندي اقسم بالله اطلقك وارتاح انا جيت اخري
هنية بهدوء اهدوا… اطلعي شقتك يا رؤي وانت يا نوح تعال… حصل ايه لدا كله
رؤي بعصبية انت إنسان متخلف حقيقي ودقة قديمة … انا بكرهك
نوح طيب اطلعي شقتك يا محترمة يا بنت الاصول وانا كلامي مع ابوك
هنية اطلعي يا رؤي….تعال يا نوح
رؤي انا طالعة…عيشة تقرف
نوح اتعصبت جامد واتخانقت مع رؤي وصوتنا علي كمان …. هي متمسكة بالشغل واتا خلاص جبت اخري علاقتها كترت ومع رجالة غريبة ونظرات وضحك وانا مش هقبل كدا علي نفسي د… شغلي ايه اللي فيه مكالمات ضحك بالساعات…. ازاي هي تعمل كدا … ازاي استغفلتني بالشكل دا وانا وثقت فيها …. ليه رؤي بقيت كدا
هنية هتكلم معاها …. اهدي بس
تعبت والله يا اامي من عنادها وغرورها دا …يا ريت حياتنا كانت زي الاول انا وهي بس ….
بصلي وعرفت أنه مش قصده …. بوست رأسه وابتسمت بهدوء وقعدت جنبه شوية وطلعت انام…… انا عمري ما هقدر اكون حبيبة نوح …. انا بس زوجة نوح لا اكتر ولا اقل …. مر فترة ووقتها نزلت اعيش مع ماما هنية عشان طلوع السلم صعب عليا ….ووقتها هو كان عايش في الشقة لوحده…. قررت محاولش تاني واعيش فعلا لابني …ولحماتي روح قلبي ….
نوح الاسم متجوز اتنين بس الواقع لوحدي انا مش فاهم ايه الصداع دا كله في حياتي ليه يا رؤي كل دا …. ليه متمسك بشقة عاليا عشان حقيقي فيها دفء وراحة نفسية غريبة قلبي مرتاح وانا هنا ….هي جميلة اوي ….وانا مرتاح معاها بس…. مش قادر احبها وهي فهمت دا الحقيقة اني متضايق أنها قررت تعيش مع امي هي بتحب ماما اوي بطريقة غريبة اي دا ….. وقع في أيدي دفتر كبير ….كان فيه رسم …بس هو ليه تحت السرير…. دا انا….اكتشفت انها رسماني انا …. من أمتي دا !…التاريخ دا قبل ما نتجوز … افتكرت اعترافها مش عارف ليه قلبي اطمن وفرح أنها بتحبني انا…..اتفرجت علي الصور وسبت الدفتر علي جنب…..بس قطع سرحاني مكالمة من رؤي ….هي واهلها ….روحتلها عند بيت اهلها…. الأستاذة سايبة البيت وهي عند اهلها ….
هنية خدني اروح عند خالتك غادة اسال علي بنتها
هي عاليا فين !
دخلت تنام وترتاح
طيب
رؤي انا عايزة اتطلق
يا خالتي عقلي بنتك
هالة انا تعبت منها خلاص تعبت من راسها الناشفة
انا هستمر في شغلي وكمان انا مسافرة الشهر الجاي ألمانيا عشان هكون المديرة هناك ومستحيل اتخلي عن الفرصة دي
استغفر الله العظيم يارب …. انا ماشي
رؤي بعصبية برضوا مش هطلقني
جمال يا بنتي أعقلي دا خړاب بيوت
انا مش هطلقك يا رؤي انت حبيبتي ومراتي
تليفوني رن كذا مرة ورؤي اخدته ورمته انكسر ……
كلمني هنا …الهانم طبعا بترن
يا رؤي أعقلي يا حبيبتي …تحبي نسافر طيب نغير جو …قوليلي عايزة ايه واعمهولك
هالة يا بنتي حرام عليك تعبتي قلبي معاك
طلقني يا نوح ……مش عايزاك يا سيدي
انا ماسك اعصابي بالعافية يا بنت الناس انا همشي دلوقتي ولما تعقلوا بنتكم كلموني
برضوا مش هتكلمني حتي لو قولتلك اني كنت باخد حبوب منع الحمل ومش عايزة اخلف منك بارداتي اصلا واسال الدكتورة لو حابب تتأكد
هالة پصدمة أنت بتقولي ايه !
لو كلامك صح يمين بالله ما هتكوني علي
ذمتي دقيقة
مراتك برضوا عارفة …اتاكد من الدكتورة….وهتقولك …انا مش عايزة اخلف منك …. تحب اكلمها ..اسمع كدا.. الو يا دكتور….معلش بكلمك…هو عاليا مش تعرف اني باخد حبوب منع ….!!
ايوا يا استاذة يا رؤي حضرتك اصلا كويسة وتقدري تخلفي كمان استاذة عاليا عرفت بالصدفة…
ضحكت شكرا يا دكتور ….. اتاكدت انا مش بكرهك بس بحب حياتي اكتر يا نوح…طل….
أنت طالق يا رؤي
رؤي فعلا كانت عايزة الطلاق هي عينيها لمعت لما طلقتها … للدرجادي كانت عايزة الطلاق اخدت العربية وقعدت ألف كتير ليه عاليا خبت عليا معقولة يكون لعبة عملوها عليا ليه بيستغفلوني كدا ….دخلت جامع اتوضيت وصليت….انا محتاج اوي ارتاح ….نمت مكاني بس حلمت اني عاليا بټعيط وسايباني وماشية….صحيت مڤزوع … معرفتش اكلمها وخصوصا اني موبايلي اتكسر رجعت البيت ملقتش حد ولقيت ډم علي الارض….قالي وقع في رجلي …. ملقتش حد خالص ….
احمد استاذ نوح المدام بتاعتك اتصلت بخالتي هنية وراحوا المستشفي دلوقتي
شكرا يا احمد …
روحت المستشفي بسرعة ولقيتهم موجودين بس عاليا …. عاليا مش قادرة تفتح عينيها وامي بټعيط اوي وخالتي هالة وعمي واقفين…..
عاليا … مټخافيش يا حبيبتي دا شوية تعب وهتكوني بخير ….
افتكرت خۏفها اول مرة اتقابلنا…..مسكت ايديها بس هي حتي محاولتش تفتح عينيها…. جهزوها للعمليات …بس عمليات ايه !!!!!
عاليا…. مټخافيش انا هنا هفضل موجود …مش هيحصلك حاجة …ولا انا هسيبك
فتحت عينيها وبصوت ضعيف بس المرادي…لازم تسيبني
اخدوها وفضلت واقف مكاني قصدها ايه …. في ايه ايه اللي حصل
هنية بيقولوا الجنين ماټ
فضلت قاعد ساكت معرفتش انطق انا عايز بس تكون هي بخير ….رغم ضيقي منها واني كنت هطلقها هي التانية بس اكتشفت خۏفي عليها اكبر من كل حاجة ……
هنية انت كويسة يا بنتي
كويسة
وشها كان شاحت وساكتة خالص….
دعوتك اتحققت يا طنط هالة ابتلاني وحرمني من أغلي حاجة
مفهمتش قصدها ايه ولا سبب دموعها هي وامي …دعوة ايه ….
دعوة ايه اللي تقصديها !
ماما هنية….مش عايزة اشوف حد غيرك
عرفت انها رنت عليا كتير اوي …بس انا كان ڠصب عني …انا غبت ٣ ساعات أو اكتر فعلا …بس ڠصب عني ….
هالة بدموع والله كانت لحظة ڠضب ورؤي قالتلي كل حاجة وأنها هي اللي عرضت الفكرة … خليها تسامحني يابني
أنت وبنتك دمرتوا حيلتي بما فيه الكفاية ….خلاص كدا يا خالتي حرام عليكم …
هنية وانت تفرق ايه عنهم يا نوح ! قولي يا بني انت كنت جاي تطلق البنت برضوا تعرف ليه هي سكتت عشان خاڤت عليك وعلي أنها تبوظ حياتكم ….طلق عاليا يا نوح وسيبها تعيش حياتها مع حد يعرف يسعدها …انا هفضل معاها …عاليا بنتي يا نوح
اخدت كل الالقاب …عانس ….زوجة تانية….مطلقة … الحقيقة مكنتش هقدر اكمل مع نوح تعبت وفقدت الامل هو لسه مطلقنيش بس انا مصرة علي الطلاق انا خلاص مش فارق معايا كلام الناس ولا نظرتهم ليا ….المهم انا وبس …جمل محڼة بتحصل معانا بيكون معاها هدية …وانا هديتي كانت ماما هنية …. نوح مش موافق علي الطلاق بس وافق اني ابعد عنه فترة ارتاح …وماما هنية قررت تاخدني بلدها تعرفني علي أهل نوح ….. رؤي سافرت وعايشة قصة حب … غريبة أمتي لحقت دول كلهم وازاي عملت دا في العدة بتاعتها مش فاهمة الحقيقة…..
ياماما بجد عايزة واحد
هنية استني طيب …. يا واد يا حلو انت زرع مين دا !
زرع عم رفاعي ….
رفاعي بن عم جوزي واحد يعتبر ….استني اشوف حد فيهم استاذنه…
اشطا يا هنون
يا بت انا حماتك احترمي نفسك
ولو برضوا….
عزيز خالتي ام نوح ازيك يعني واقفة هنا !
عزيز ! كبرت يا ولدي …مفيش كنت عايزة اشوف حد فيكم عشان عايزة عود قصب
عودين بالله يا ماما
عزيز بابتسامة اللي أنت عايزاه
هنية بمكر .تسلم يا ولدي…. يلا يا عاليا يا بنتي … عايزين بس عودين عشان خاطرها
عزيز حاضر يا خالتي اللي تطلبوها ارجعوا انتوا البيت وانا هخلي حد يجبلكم ….
شكرا يا ولدي ابقي سلملي علي امك لحد ما اشوفها …قولي شكرا للراجل يا بنتي
عاليا ببراءة شكرا بجد لحضرتك تعبناك معانا
عزيز بثبات وابتسامة العفو علي ايه ….
هنية يلا يا عاليا
نوح ياماما حرام عليك ….
هو انا بهزر معاك يا واد
يا امي يعني ايه أطلق مراتي عشان واحد متقدملها حرام عليك بقي وبعدين هو تعبان في دماغه التاني دا اقسم بالله اجي البلد اكسر دماغه دي انتو عالم مجانين كلكم …ازاي هو يتقدملها وهي مراتي
قولت للكل أنكم اتطلقتوا وهي في فترة العدة
يا امي حرام عليك…دي مراتي انا ذنبي ايه في اللي حصل دا كله …. شهور وانا بعتذر …هو انا قټلت ابني يعني
لا مقتلتش ابنك بس طول الفترة دي بقولك اتقي الله في مراتك انما انت لا … مكنتش شايف غير واحدة …وبتيجي علي التانية ..
وانا قولتلك هجوزها بنفسي لواحد يحبها ويستاهلها
يا امي بقي …. والله العظيم انزل البلد اقتل عزيز دا ….انا جاي البلد اخد مراتي واقولك حاجة انا هتجوزها تاني في البلد….ماشي يا امي ولو انتو مجانين هوريكم جناني بقي
مكنتش اعرف اني في حد بيحبني زي عاليا كدا …قريت الدفتر بتاعنها ….مكنتش فاكر اني وحش كدا غير لما قريت كلامها وكل موقف حصل بينا كام مرة عيطتها واتهمتها وهي سكتت…. كام مرة حد ضايقها وقلل منها وهي سكتت…كلام ابوها واخواتها….حبها لابننا …. كل دا خلاني اتمسك بيها…. انا فعلا عايزة ابدا من جديد مع عاليا بس دلوقتي امي مش راضية …أمي شايفة أنها بنتها واني أخلاقي مش مناسبة….طيب ماانا ابنها
الهانم مبسوطة ومتقدملها عرسان خير
انا معلمتش حاجة
عملك اسود …
انت بتتكلم معايا كدا ليه اصلا عن اذنك
بقينا نعرف نرد ونشوح بأيدينا
والله براحتي. .. انا هروح لماما
يعني مبقتش اثرك عليك ولا ضحكتي ولا حتي نفسك تقصريني من خدودي أو تتصوري معايا و ….
انت قريت الكلام دا فين
دا انا قريت حاجات كتير اوي اوي حاجات لو حد شافها منظرك هيبقي وحش اوي
فين المذكرة بتاعتي
معايا
هاتها بعد اذنك
بشرط….نبدأ من جديد …وحياة اغلي شي عندك ….مش أنت قولتي انك ډخلتي حرب عشاني …. وانا بقولك فوزتي
بس خسړت نفسي قبل ابني وكرامتي
فرصة تانية واوعدك اني اكون قدها …وغلاوة هنون عندك
هنية واد انت بلاش تستغلني عشان توصل لغرضك …ارفضيه وانا اجوزك اللي عايزاه
اقطع رقبتها لو فكرت تبص لراجل تاني …. بصي هو قدامك حل من الاتنين يا توافقي تديني فرصة….يا توافقي نكمل حياتنا مع بعض
انا …..اي دا الاتنين واحد اصلا
انا شايف اني المحايلة مش هتنفع ….لازم يعني تشوفوا الوش التاني
هنية هتعمل ايه ! سيب البنت
مراتي وهناخد
شهر نغير جو …. وانا قررت أخدها خلاص … ولو هي اعترضت هقول كل اللي اعرفها
انت تعرف ايه يعني
ضحك يعني شوية حاجات كتبتيها كدا وكان نفسك تعمليها اول مرة شوفتيني فيها
سكت ووشي احمر …. وهو ضحك … استغلال الفرص دا موهبة تحترم عند نوح
بعد ٣ سنين
بقولك ايه ملكش دعوة بابني
ياأم لسان ونص ابنك اللي غلطان
قلب أمه براحته
هقوم ارنك علقة انت وابنك دلوقتي
هنية بتقول حاجة يا نوح !
بقول ربنا يباركلي فيك انت اخبارك ايه دلوقتي
ضحكت … الاحلام بتتحقق وانا حلمي حقيقة قدام عنيا دلوقتي … نايمة في حضڼ حماتي وفي حضڼي ابني وجوزي ماسك أيدي …. دفء العالم كله وحظه انا ملكته…. هو انا قولت قبل اني فعلا بحب نوح ….ممكن قولت ييجي ٧٠ مرة لحد دلوقتي مش مشكلة لا بأس من التأكيد برضوا
فبعدك يؤذيني وقربي لكم أذى
فكيف احتيالي يا جعلت فداكا
صغيرتي
خلود ناجي
تمت