لوعة عشـ,ـق سـ,ـحر فرج

الفصل الاول

مذنب قلبى ولكن ما لهذا العشــ,,ـق حلا فلا تلمنى فى اشتياقى اعشــ,,ـقك يا نبض قلبى

فى إحدى المناطق الشعبيه تعيش امال ابنه العشرون عاما .

تعيش امال مع والديها فقط لأنها الابنه الوحيده وهى من تقوم برعايتهم والاهتمام بهم لكبر سنهم .

ولدت امال وكبرت وهى تعلم انها وحيده وان أباها ووالدتها لا يوجد لهم اى أقارب على الاطلا.ق .
فتعودت امال على ذلك وكلما سألت لماذا لا يوجد لى اهل مثل أى شخص واى أسرة فلا تجد اى اجابه من أباها و والدتها سوى كلمه واحده وهى (مقطوعين من شجرة )
كان يعمل اباها فى إحدى المصانع المشهورة فى حلوان ومنذ فترة كبيرة تعرض لحــ,,ـادث مروع من إحدى الماكينات وعلى أثره فقد إحدى ذراعيه وخرج على المعاش .
ومنذ ذلك الحــ,,ـادث وهو يجلس فى البيت وينزل قليلا جدا الى الشارع لقضاء بعض طلبات البيت .

وتعودت امال على ذلك واكتفت بالثانويه العامه لكى تعمل بها وــ,,ـت أحلامها التى كانت تحلم بها منذ طفولتها بأن تصبح صحفيه كبيرة ومشهورة وتقف بجوار الفقراء والايتام وكل من يحتاج لها ضد الظلــ,,ـم فى اى مكان .

وفى صباح إحدى الايام

امال بصت لوالدتها وقالت .. صباح الخير يا ست الكل .
الام بمل حنيه ردت وقالت .. صباح الخير يا حبيبه قلبى .
امال ابتسمت وقالت .. انا جهزت الفطار يا ماما ليكى انتى وبابا على التربيزة .
ولما بابا يصحى بو.سهولى من هنا ومن هنا .
انا هانزل بقى علشان ما اتأخرش على الشغل .
مش عاوزة حاجه اجبهالك وأنا جايه .

الام ردت وقالت .. تعبتى نفسك ليه يا بنتى انا كنت هاجهزه لما بابا يصحى روحى يا بنتى ربنا معاكى ويقويكى وترجعى بالف سلامه ويستر طريقك.
امال ابتسمت وقالت .. تسلميلى يا حبيبتى يالا مش عاوزة اتعبك اكتر من كده يالا سلام .

نزلت امال بعد ما اطمنت على والدها ووالدتها وذهبت إلى موقف السيارات لتستقل إحدى الميكروباصات .
وبعد فترة قصيرة وصلت امال أمام بوابه احدى الشركات الضخمه .

فى مبنى كبير وفخم دخلت امال من باب العاملين بالشركه التى تعمل بها فى البوفيه بعد محاولات كثيرة للحصول على عمل آخر ولكن للاسف لم تعثر الا عليه هو لأنها لن تكمل دراستها الجامعيه . واكتفت بالثانويه العامه .
وطوت أحلامها التى كانت تحلم بها بأن تكون صحفيه كبيرة ولكن للاسف ظروفها لم تسمح لها بذلك لمرض والدها .

دخلت امال الاسانسير وصعدت به اللى الدور الذى تعمل به وخرجت وتوجهت الى إحدى الابواب الخاصه بالبوفيه .

امال اول لما دخلت عيونها جت على زميليتها وقالت .. صباح الخير يا فاتن عامله ايه يا حبيبتى .

فاتن ابتسمت وردت وقالت .. صباح النور يا اموله ايه يا بنتى اتأخرتى كده ليه النهارده .

امال ردت بخوف وقالت .. ايه ده فى حد سأل عليا ولا ايه طمنينى ؟

فاتن ردت وقالت .. هو فيه غيره البيه المدير بعت سأل عليكى من شويه .
خدى بعضك واعملى القهوة بتاعته ووديهاله انتى عارفه انه مش بيشرب القهوة غير من ايدك انتى وبس.

امال خدت نفسها واطمنت وقالت .. حاضر يا فاتن ثوانى وتكون جاهزة بس اغير هدومى على طول واعملهاله.

وفعلا جهزت امال القهوة وراحت على مكتب المدير واستأذنت من مديرة مكتبه الانسه صفاء وخبطت على الباب ودخلت على طول .

كمال مدير الشركه عيونه جت على امال وقال .. اخيرا يا امال افتكرتينى بالقهوة يا بنتى.

امال بخجل ردت وقالت .. معلش يا كمال بيه انت عارف ظروفى كويس والمواصلات كانت زحمه اوى النهارده اعذرنى اول واخر مرة.

كمال رد وقال .. اه اكيد طبعا لازم تكون زحمه العيد قرب بقى كل سنه وانتى طيبه والناس بتجهز ليه .

امال ابتسمت وقالت .. وانت طيب يا كمال بيه تؤمرنى بحاجه تانى .

كمال رد وقال .. معلش يا بنتى وصلى الملف ده لشريف ابنى فى مكتبه ضرورى .

امال مدت ايديها وخدت الملف وقالت .. حاضر يا افندم فى حاجه تانيه تؤمرنى بيها.

كمال رد وقال .. لا يا آمال روحى انتى على شغلك .
امال فتحت الباب وخرجت على طول ومن ما تقصد خبطت فى شريف ابن كمال بيه وهى ماشيه .
شريف بكل عصبيه بصلها من فوق لتحت وقال.. مش تفتحى يا بتاعه انتى

امال بكل خوف ورعب ردت وقالت .. انا اسفه يا شريف بيه والله مختش بالى سامحنى ارجوك .

شريف بكل عصبيه بصلها وقال .. خلاص يالا روحى على شغلك اتفضلى من اودامى

امال بعدت خطويتين عنه ومن خوفها من شريف نسيت تديله الملف فقررت ترجع تانى وتديهوله .
امال بكل خوف وتوتر بصتله وقالت .. شريف بيه لو سمحت .
شريف بصلها بمل عصبيه وخد نفس طويل وقال .. افندم عاوزة ايه اخلصى .
امال ردت وقالت .. كمال بيه كان بعتنى لحضرتك بالملف ده علشان ادهولك اتفضل .

شريف بصلها من فوق لتحت وقال .. وهو مش لاقى حد غيرك انتى ويبعته ليا ولا ايه ؟

امال بحزن ردت وقالت .. تؤمرنى بحاجه تانى يا افندم ؟

كمال بصلها بعصبيه وقال ..غورى على شغلك .
امال خدت بعضها وجريت على البوفيه بسرعه بعد ما اعصــ,,ـابها باظت من موقف شريف ده ولانها بتخاف منه جدا ومن طريقته معاها .
اتخنقت بالعياط ودموعها نزلت وحست بالاهانه .

فاتن باستغراب اول لما شافتها قالت.. فى ايه يا بنتى وشك جايب م.يت لون كده ليه وبتعيطى ليه كده.
هو كمال بيه زعقلك على تاخيرك ولا ايه طمنينى ؟

امال … لا كمال بيه راجل طيب جدا وبيعاملنى زى بنته .
لكن ابنه ده فظيع اوى وبيعامل الناس من فوق اوى كأنهم خدامين عنده ودائما يجـ,ـرحنى بكلامه اللى زى السم ده .

فاتن باستغراب قالت .. قصدك مين مش فاهمه حاجه !!

امال بكل حزن قالت .. اوووووف يا فاتن هو فيه غيره شريف بيه طبعا الرخم ده .

فاتن بصدمه ردت وقالت .. يا لهوى عليكى انتى لسه بتخافى منه يا امال .

امال .. هو انا بخاف وبس ده انا بترعب من نظراته ليا وطريقته معايا .
هو شكله كده مجنون وانا معرفش
مش بيطيق اى بنت الله يكون فى عون اللى هايتجوزها .
فاتن بضحك .. مش للدرجه دى يا آمال يعنى ده حتى حلو وامور ومووووز فى نفسه كده .

امال بغيظ بصتلها وقالت.. هو مين ده اللى حلو وامور يا اختى انتى .. ده عادى خالص
ولا علشان شعره اصفر وعينه خضرا يبقى حلو .. الراجل مش بالحلاوة يا فاتن الراجل بأسلوبه واللى بيعمله ومواقفه ومعاملاته مع الناس .

فاتن مش عاجبها الكلام فابصتلها وقالت .. طيب يالا يااا اختى نشوف اللى ورانا احسن وافتكرى حاجه عدله بدل ما تلاقيه فوق راسنا دلوقتى .
________________

خلص اليوم على خير بعد تعب وارهاق شديد من كتر الشغل والطلوع والنزول .
وطلعت امال موبيلها من شنتطها علشان تطمن على مامتها وباباها بس للاسف لقت الموبيل فاصل شحن.
فغيرت لبسها ونزلت من الشركه مع فاتن وهما ماشين فجاه جت عربيه سريعه جدا جدا وغرقتهم مايه من الشارع .
امال اتصدمت وصرخت وقالت .. ايه ده مش تفتح يا حيوااااان انت .
فاتن بصدمه بصتلها وقالت .. يا لهوووووى يا امال دى عربيه شريف بيه يارب ما يكون سمعك بدل ما يودينا ورا الشمس .

امال بكل غيظ قالت .. ما يسمع مش كفايه غرقنى ووســ,,ـــــخلى هدومى امشى ازاى بالمنظر ده دلوقتى فى الشارع .

فاتن .. معلش يا حبيبتى الحمد الله أنه ما سمعش كلامك كان نزل وبهدلنا ومش بعيد كان رفدنا انا وانتى من الشركه .

امال اتنهدت جامد وفضلت تمسح فى لبسها وقالت .. ماشى يا فاتن وامرى لله عاوزة حاجه قبل ما اسيبك وامشى .
فاتن ردت وقالت.. لا يا حبيبتى عاوزة سلامتك ومشيت امال وسابتها وراحت ركبت الميكروباص ورجعت على البيت.
بعد ما عدت على بتاع الفاكهه واشترت شويه فاكهه وخضار لزوم البيت وعلاج لباباها ومامتها .
ويادوبك دخلت امال من باب العمارة وطلعت لحد الدور التانى وقربت من الشقه واستغربت أن فيه ناس كتير موجوده من الجيران .

امال باستغراب قالت .. فى ايه !! وايه الناس دى كلها وقلبها بكل خوف بدا يدق جامد؟
قربت منها واحده جارتها وقالت لها البقاء لله يا بنتى .
امال بصدمه بصتلها وقالت .. ايه، انتى بتقولى ايه مين مــ,,ـات ورمت كل الشنط اللى كانت فى ايديها .
وجريت امال على اوضه مامتها وباباها وفجأه شافت حد نايم على السرير ومغطين وشه بالملايه
امال بتبص على اللى حواليها كلهم يمين وشمال وشافت مامتها قاعده على الأرض وعماله تعيط جامد .
امال قربت منها وبصت لها وقالت فى ايه يا امى ايه اللى حصل ومين اللى على السرير ده ارجوكى قوليلى ؟

الام بكل حزن ووجع بصت لامال وقال .. ابوكى يا امال ابوكى مااااااااات .
امال بصدمه بصت للسرير وبعدها بصت لمامتها وقالت.. انتى بتقولى ايه مااات ازاى وامتى .
الام بصوت كله الم وحزن ووجع اهدى يا حبيبتى هو تعب من شويه وبسرعه خليت حد من الجيران يجيبله الدكتور والدكتور بلغنا بكده للاسف وفضلت اتصل عليكى تلفونك كان مقفول .. امال بصدمه وعيون اتملت بالدموع .
الجيران اتلموا عليها وبدؤا يهدوها اهدى يا بنتى ربنا يرحمه ويغفرله ويصبركم على فراقه .
امال كل ده مش مستوعبه اللى حصل وبصتلهم كلهم وقالت .. انتم بتقولوا ايه بابا عاااايش ، بابا مامتش .
وفى ثوانى كانت واقعه على الأرض ومغمى عليها .
الكل بدأ يفوقها وبدأت فعلا تفوق بس بدأت تصرخ جامد بمل وجع لما افتكرت اللى حصل لباباها .
امها خدتها فى حضـ,,ـنها وفضلت تعيط هى كمان .
الكل كان عرف بوفــ,,ـاه ابوا امال وجم زمايلها فى الشغل وعزوها وخلت فاتن تاخد لها إجازة كام يوم وفــ,,ـاتن بلغتها أن المدير بيبلغها عزاه .

عدى كذا يوم وآمال كانت نفسيتها وحشه بس ما كنتش بتبين كده اودام مامتها علشان صحتها ضعيفه .

يا ترى الايام مخبيه ايه لامال تانى .

بقلم سحر فرج

نوڤيلا (لوعة عشــ,,ـق)
الحلقه الثانيه
بقلم / سحر فرج

عدى اسبوع بعد وفــ,,ـاه ابوا امال وكانت بتحاول على اد ما تقدر انها تخبى وجعها وحزنها جواها علشان صحه مامتها وخوفها عليها .

طلعت شمس يوم جديد وكانت صحيت امال من النوم وجهزت الفطار لمامتها لانه كان أول يوم تنزل فيه الشركه بعد وفــ,,ـاه باباها ولبست ملابسها السوداء وخدت شنتطها وسلمت على أمها قبل ما تنزل .
امال بصت لمامتها وقالت .. انا نازله يا امى عاوزة حاجه اجبها وأنا راجعه من الشغل ؟
الام بابتسامه كلها حب ردت وقالت .. عاوزة سلامتك يا حبيبتى ربنا يحفظك ويحميكى .

امال ابتسمت وقالت .. ربنا ما يحرمنى منك ابدا وانا كل شويه هاتطمن عليكى بالتليفون .

الام .. ماشى يا بنتى يالا انزلى علشان ما تتأخريش ربنا يخليكى ليا يارب ويستر طريقك .

نزلت امال وركبت الميكروباص اللى هايوديها على الشركه وكانت طول الطريق بتفكر فى كل اللى حصل معاها الايام الاخيرة دى وبتفكر فى مــ,,ـوت باباها .
وطلبت له الرحمه والمغفره .
ودعت ربنا أنه يقويها فى الشغل ويخلى مامتها ليها.
نزلت امال واول ما دخلت الشركه الكل بدأ يتجمع حواليها علشان يعزيها .
من موظفين وعاملين فى الشركه لان الكل كان بيحترمها ويحبها من اخلاقها الطيبه ومعاملتها الكويسه معاهم كلهم .

وفجأه سمعوا صووووت عااااالى

شريف بكل عصبيه ونرفزه قال .. الله الله على الناس اللى سايبه شغلها متعطل ووقفين يرغوا مع امال هانم .
وقرب ووقف اودام امال وبصوت كله استهزاء قال .. ياريت يا هانم الموضوع ده ما يحصلش هنا تانى جوه الشركه وبرة الشركه ابقى اعملى اللى انتى عوزاه دى سمعتك وانتى حرة فيها لكن جوا الشركه لااااااااا
انتى سامعه .
ده أنذار منى ليكى ولو اتكرر تانى هاتكونى برة فى الشارع يالاااا على شغلك .

امال كانت مصدومه من كلامه ومن طريقته معاها واحراجه ليها اودام الموظفين كلهم ومقدرتش ترد عليه والكل سابها وراح على شغله على طول لما سمعوا كلام شريف معاها ومعاهم .
شريف بكل عصبيه وبصوت اعلى بصلها وقال .. بقول اتفضلى على شغلك انتى ما بتفهميش .
امال بصدمه وحزن ووجع جريت وراحت على البوفيه بس دموعها كانت ماليه عنيها وكانت مخنوقه بالعياط لولا قابلت فاتن واول ما شافتها اترمت فى حضـ,,ـنها واتفتحت فى العياط .
فاتن باستعراب بصتلها وقالت .. ايه ده مالك يا امال مالك يا حبيبتى فى ايه ؟ وايه اللى حصل اهدى ؟
امال بكل حزن ودموع ردت وقالت.. ده مش انسان ابدا ده واحد مريض ولازم يتعالج وانا خلاص لازم اوقفه عند حده .
فاتن باستغراب ردت وقالت .. هو مين ده وايه اللى وصلك للحاله دى بس يا حبيبتى اهدى؟

امال خدت نفس طويل ومسحت دموعها وبدأت تحكى لفاتن على كل اللى حصل من اول ما دخلت من باب الشركه لحد ما طلعت البوفيه فى الحاله دى .

فاتن بصدمه بصتلها وقالت .. يخرب بيته شريف بيه ده هو عمل فيكى كده ده مجنون ده ولا ايه فعلا لازم يقف عند حده .

امال بكل حزن قالت .. فعلا هو انسان مريض وهايطلعه عليا الظاهر بس والله لاقول لكمال بيه واحكيله اللى حصل ولو مجبش ليا حقى انا هاسيب الشركه دى كلها ورزقى على الله ومش هاسمحله باى تجريح تانى بعد كده .

فاتن ردت وقالت .. اهدى يا امال ووحدى الله وانشاء الله كمال بيه مش هايعجبه اللى حصل من ابنه ده وهايزعقله .

قامت امال بسرعه وراحت غسلت وشها وجهزت القهوة وراحت على كمال بيه .

خبتطت على باب المكتب بعد ما استأذنت من صفاء السكرتيرة واللى اول ما شافت امال سلمت عليها وحضـ,,ـنتها وعزتها فى بابها .
دخلت امال واول ما دخلت رحب بيها كمال بيه وقام من مكتبه وقرب منها بكل حنيه ومد أيده ليها وعزاها هو كمان .

كمال بصلها بحزن ومواساه وقال .. اهلا يا امال ازيك يا بنتى والبقاء لله وحده وربنا يرحمه ويصبركم .

امال بحزن ردت وقالت .. ونعمه بالله ومتشكرة لخضرتك جدا يا كمال بيه .

كمال بصلها وقال .. متشكرة علي ايه بس ده انا زعلان جدا أنى مجتش وعزيتك يا بنتى بنفسى فى بيتك واعزى الحاجه والدتك بس حقك عليا انتى عارفه ظروفى الصحيه عامله ازاى.
امال غصب عنها بدأت تتخنق بالعياط ودموعها بدأت تنزل على وشها .
كمال باستغراب بصلها وقال .. خير يا بنتى مالك فى ايه اوعى يكون حد مزعلك .

امال بحزن ردت وقالت .. الصراحه يا كمال بيه انا عاوزة اسيب الشغل هنا خالص او اتنقل لمكان تانى غير ده .

كمال باستغراب بصلها وقال .. ليه بتقولى كده بس يا امال وانتى عارفه كويس انى مش هاقدر استغنى عنك .

امال بكل وجع وحزن بصتله وقالت .. اصل . اااااصل
كمال باستغراب بصلها وقال.. احكيلى يا بنتى فى ايه بالظبط ؟
امال بدأت تحكيله على كل اللى شريف عمله معاها وطريقه تجريحه ليها اودام الموظفين ومش اول مرة ده على طول كده معاها بيهنها وبيجـ,ـرحها دايما اودام الكل .

كمال بحزن رد وقال .. معلش يا بنتى حقك عليا انا ده شريف ابنى قلبه طيب اوى بس هو من ساعه ما انجـ,ـرح من البنت اللى كان بيحبها وسابها وكان خلاص هايخطبها وهو بقى إنسان تانى خالص حتى معانا فى البيت انا ووالدته اتغير معانا وبقى عصبى اعذريه يا بنتى ومعلش علشان خاطرى انا وحقك عليا انا يا امال .
امال علشان طيبه صعب عليها انها ترفض لكمال بيه حاجه فابصتله وقالت.. ماشى يا كمال بيه علشان خاطر حضرتك انت بس المرة دى ربنا يعلم انا بحترمك وبعزك اد ايه ومستحمله شريف بيه علشان خاطرك انت وبس .

كمال رد وقال .. ربنا يخليكى يا بنتى ولو عزتى اى حاجه انا موجود اطلبيها على طول من غير اى تردد وخلى بالك من والدتك وصحتها ربنا يخليكم لبعض ومش عاوزك تشيلى أى هم خالص.

ابتسمت وشكرته وخرجت امال من مكتب كمال بيه وللأسف كان شريف داخل عنده واول ما شفته بصت على الأرض وجريت بسرعه من اودامه قبل ما يديها درس تانى فى الاخلاق زى عاويده وهو بصلها بكل استحقار ودخل على مكتب باباه .

شريف بعصبيه بص لوالده وقال .. البنت دى كانت عاوزة ايه من حضرتك يا كمال بيه ؟

كمال رد وقال .. كويس انك جيت يا شريف كنت لسه هابعتلك واجيبك .

شريف باستغراب قال .. خير يا بابا فى ايه ؟

كمال رد وقال .. يا ابنى خف على البنت دى شويه حرام عليك اللى انتى بتعمله معاها ده كفايه اللى هى فيه دى بنت غلبانه اوى وملهاش حد .

شريف باستغراب رد وقال .. بنت مين ؟! وعملت ايه ؟! مش فاهم حضرتك تقصد مين .

كمال رد وقال .. امال البنت الموظفه بتاعه البوفيه .

شريف بكل عصبيه قال .. الهانم اللى بتلم الموظفين حواليها كل شويه ولا عامله اى احترام للشركه ولا الشغل بتاعها دى المفروض تترفض اصلا من هنا وانا مش هاسمح للاشكال اللى زى دى انها تقعد لحظه واحده فى الشركه .

كمال رد وقال .. يا ابنى بتلم ايه بس دى بنت مسكيــ,,ـنه وظروفها وحشه جدا والموظفين كانوا متجمعين حواليها علشان بيعزوها فى ابوها اللى مــ,,ـات الأسبوع اللى فات وده كان أول يوم تنزل فيه الشركه النهارده .

شريف رد وقال .. ابوها ؟ وبيعزوها ؟ طب ليه مفيش حد فهمنى الكلام ده ولا هى حتى ردت عليا وفهمتنى ودافعت عن نفسها.

كمال رد وقال .. تلاقيها اتكسفت من جـ,ـرحك ليها وزعيقك ليها اودام الموظفين والعاملين فى الشركه .

شريف .. انا بجد اسف يا بابا ولو كنت اعرف كده مكنتش زعقت ليها بالمنظر ده .

كمال .. خلاص يا شريف حاول تراضيها بكلمتين يا ابنى دى زعلانه اوى من اللى انت عملته معاها وصعبان عليها نفسها جدا .

شريف بصله وقال .. هى مين دى اللى أراضيها واكلمها دى البنت بتاعه البوفيه

الاب .. علشان خاطرى يا ابنى دى بنت مسكيــ,,ـنه وظروفها وحشه ومع كل ده انسانه ومحترمه ومتعلمه ومعاها ثانويه عامه كمان .

شريف بلامبلاه رد وقال .. ان شاء الله يا بابا .

شريف خلص كلام مع باباه فى المناقصة اللى الشركه كانت دخلاها الفترة اللى جايه وراح على مكتبه .
اول لما دخل قعد على مكتبه وبدأ يفتكر معاملته لامال الوحشه وأنه على طول بيجـ,ـرحها وبيستفزها وهى مش بتقدر ترد عليه .
بس شويه وخد بعضه وراح اجتماع مهم للموظفين اللى فى الشركه .
الشغل كان خلص وكانت كل شويه امال تتصل على أمها وتطمن عليها وتشوفها عامله ايه علشان كانت قاعده لوحدها .
نزلت هى وفــ,,ـاتن على تحت وخرجوا من باب الشركه وفــ,,ـاتن ركبت الميكروباص اللى هايوصلها لبيتها لكن امال فضلت واقفه على المحطه عقبال ما الميكروباص بتاعها يجى .
وفجاه وقفت عربيه سودا كبيرة اودمها واتفتح الباب ونزل منها شخص وقرب منها .

امال اتصدمت من اللى شافته اودمها وخلاها مش عارفه تتصرف ازاى ولا تهرب وتروح على فين .
شريف قرب منها وقال .. ازيك يا امال .

امال بدأت تتلفت حوالين نفسها وباستغراب قالته حضرتك بتكلمنى انا .

شريف بصلها وقال .. اه هو فى حد غيرك واقف ولا ايه .. انا كنت عاوز اعزيكى فى باباكى .
البقاء لله وربنا يرحمه ويغفرله ويصبرك .

امال مكنتش مصدقه ودانها وان اللى واقف اودمها ده شريف بيه الرخم الرذل اللى بيشخط ويزعق على طول ومن أتفه الأسباب .

شريف بصلها وقال .. ايه روحتى فين يا امال .
امال ردت وقالت .. ابدا ابدا يا شريف بيه معلش اصل صرحت شويه .
ومتشكره لحضرتك .

شريف بصلها باستغراب وقال .. انتى واقفه هنا كده ليه ؟!
امال .. هاكون واقفه ليه يعنى ؟
واقفه مستنيه الميكروباص علشان ارجع على البيت.

شريف رد وقال ..طيب أركبى وانا اوصلك لاى مكان .
امال بصدمه اكبر وتوتر ردت وقالت .. لا طبعا متشكرة جدا لحضرتك وسلام يا شريف بيه الميكروباص جه اهو عن اذنك .
وفى ثانيه كانت جريت من اودامه وركبت الميكروباص وكان هاين عليها ان الارض تتشق وتبلعها .

شريف ابتسم ابتسامه على شـ,ـفايفه وفضل واقف لحد ما ركبت امال العربيه ومشيت .
وراح ركب عربيته هو كمان بس كان ماشى ورا الميكروباص اللى فيه امال .

نوڤيلا
( لوعة عشــ,,ـق )
الحلقه ( الثالثه )
بقلم/ سحر فرج

نزلت امال من العربيه وعدت على الصيدليه تجيب العلاج الناقص لمامتها علشان كان خلص .
وكل ده وشريف كان بيراقبها من على بعد لانه فضل ماشى وراها واول لما اطمن انها دخلت من باب العمارة بتاعتها .
رجع ركب عربيته ومشى وهو عمال بيفكر هو ازاى عمل كده وعلشان ايه مشى وراها كل المسافه دى واستغرب جدا من نفسه.
دى مجرد موظفه بسيطه فى الشركه وبس .

فتحت امال باب الشقه ودخلت حطت الشنط اللى فى اديها على التربيزة ودخلت على اوضه مامتها لقيتها بتصلى العصر .
فاطمنت عليها وخدت نفسها وأن مامتها بخير ودخلت على اوضتها علشان تغير هدومها .
وفعلا غيرت امال ودخلت غسلت ايديها ووشها ودخلت لاوضه مامتها تانى وعرفت انها خلصت الصلى فقربت منها وحضـ,,ـنتها وباست اديها .
امال بكل حب بصت لمامتها وقالت .. حرما يا امى .
الام بكل حنيه وطيبه ردت وقالت .. جمعا يا حبيبتى إن شاء الله .. عملتى ايه النهارده فى شغلك طمنينى .
امال ابتسمت وردت وقالت .. تمام يا امى الحمد لله و كله كويس وزمايلى والموظفين كلهم عزونى فى بابا الله يرحمه حتى مدير الشركه بنفسه عزانى وكان متأثر جدا علشانى .
الام ردت وقالت.. ربنا يكرمه باذن الله .. والله يرحم ابوكى يا بنتى وربنا يحبب فيكى خلقه ويوقفلك دايما ولاد الحلال .
امال بكل حنيه وطيبه ردت وقالت .. يارب يا امى ويخليكى ليا يا قلبى ويطولى فى عمرك ويشفيكى ويشفى كل مريض .
قامت امال راحت على المطبخ علشان تجهز الغدا ليها ولأمها .

اما شريف كان رجع على ڤيلته وراح على اوضته بعد ما سلم على والدته .
اترمى على السرير وبدأ يفكر فى كل اللى حصل معاه من الصبح واد ايه هو زعل من نفسه و من طريقته مع امال وحس أنه غلط اوى فى حقها واهانها كتير اودام الموظفين فى الشركه .
وسرح شويه فى امال وملامحها واد ايه هى انسانه جميله وحساسه ومحترمه .
بس فجاااه قام وقال
( كلهم زى بعض كلهم زى بعض )

فلاش باك
شريف كان بيحب زميلته فى الكليه وفضلوا سنتين يحبوا بعض مع تحزيرات كتير من زميله احمد ليه وأنها مش اد كده ومش مناسبه ليه خالص ومتعوده على الدلع والمياسه والنادى والسهر لحد الصبح ومع ده كله شريف ما قدرش يبعد عنها وكان بيحبها بجنون ورمى كل تحذيرات احمد زميله ليه ورا ضهره ومختش بكلامه خالص .
وفضلوا مع بعض لحد ما خلصوا الكليه وقرر شريف أنه يروح يخطبها من اهلها .
وفجاه وهو فى الفيلا عنده جاله تليفون من احمد صاحبه وقاله تعلالى بسرعه يا شريف على العنوان ده .
شريف باستغراب رد وقال .. فى ايه يا احمد فهمى وعنوان مين ده ؟
احمد بتوتر رد وقال .. مش وقت الكلام ده خالص تعال بسرعه ولما تيجى هاتفهم كل حاجه لوحدك وتشوف بعنيك .
وفعلا قام شريف بسرعه وخد مفاتيح عربيته وراح على العنوان اللى ادهوله احمد .
وصل شريف للعنوان وشاف احمد قاعد فى عربيته مستنيه .
شريف بصله وقال .. خير يا احمد فى ايه وعنوان مين ده وايه اللى موقفك هنا بالمنظر ده ؟
احمد نزل من عربيته وقال لشريف تعال معايا وانت هاتعرف كل حاجه وتشوف بعنيك.
وفعلا دخلوا مدخل عمارة كبيرة وركبوا الاسانسير ووقفوا فى الدور الرابع وخبط احمد على شقه من الشقق اللى فى الدور ده .

شريف باستغراب بصله وقال .. فهمنى يا احمد فى ايه وشقه مين دى ؟؟
احمد بصله وقال .. دلوقتى هاتشوف بعينك يا شريف كل حاجه وخبط تانى .
لحد ما الباب اتفتح وخرجت واحده وباين عليها انها مش محترمه من لبسها اللى شبه عريان ومكياچها الكتير اوى اوى .
ماهى بصتلهم بكل مياعه وقالت .. خير عاوزين ايه يا حلووووين ؟
احمد بص لشريف اللى كان مذهول وبص لماهى وقال.. عاوزين نسهر معاكم يا قمر .
ماهى بكل مياعه ودلع غمزتله بعنيها وقالت .. ااااااه طيب ما تقول كده من الصبح تعالوا ادخلوا يا بشوات الشقه نورت بيكم .

شريف بعصبيه بصله وقال .. فى ايه يا احمد وايه المكان المشبوه ده ومين دى فهمنى بدل ما اخد بعضى وانزل من هنا فورا
احمد بصله وقال .. قولتلك اصبر يا شريف .

فجاه شريف سمع صوت حبيبته وهى بتضحك جاى من اوضه فى الشقه وسمع صوت ضحكها العالى ودلعها اللى عارفه كويس جدا .
جرى شريف وهو مصدوم ناحيه الباب اللى سمع منه صوت خطيبته وفتحه واتصدم من اللى شافه
وللاسف شاف حبيبته شبه عريانه ونايمه فى حضـ,,ـن واحد تانى فى السرير .
ماهى بصدمه بصت لشريف وقالت .. ايه ده ؟! ايه اللى انت عملته ده ؟! وازاى تتهجم على الاوضه كده انت مين وعاوز ايه .
شريف ولا كأنه سمع منها حاجه وقرب من حبيبته وفضل يضــ,,ـرب فيها بكل عصبيه وغيظ لحد ما دمها نزل من شـ,ـفايفها وهى بتصرخ واحمد بيحاول يشده بعيد عنها وشريف بيقووووول .
خـ,ـاينه
خـ,ـاينه
خـ,ـاينه

باااااك.

( فعلا كلهم زى بعض كلهم خااااااااااينين )

قام غير هدومه ودخل علشان ياخد شور ويريح شويه من تعب الشغل طول النهار ومن كتر التفكير.
جه الليل وكانت امال خلصت غسيل الاطباق بعد الغدا ودخلت علشان تاخد شور بعد ما اطمنت أن أمها هتنام شويه .
خدت الشور ودخلت اوضتها وبدأت تسرح شعرها وافتكرت اللى شريف عمله معاها والكلام اللى هو قالوا ليها .
واستغربت اوى لما شافته بعربيته ونزل اتأسف لها وعزاها وقالت بينها وبين نفسها
فعلا انسان غريب اوى اوووى .

طلعت شمس يوم جديد وصحيت امال وزى كل يوم جهزت الفطار لمامتها واطمنت عليها ونزلت راحت على شغلها .
واول ما وصلت امال على الشركه طلعت على البوفيه وابتسمت اول لما شافت فاتن فقالت ..صباح الخير يا فتونه .
فاتن ردت وقالت .. صباح الورد يا حبيبه قلبى .
امال بكل طيبه بثتلها وقالت .. اخبارك ايه يا فاتن .
فاتن بضحك ردت وقالت .. زى كل يوم يا اختى بين جوزى والعيال والشركه لحد ما خلاص قربت اتجنن .
امال بضحك ردت وقالت.. انتى اللى عملتى فى نفسك كده وجبت العيال ورا بعضها وانتى اصلا لسه مكملتيش 22 سنه يا مجنونه حد عاقل يعمل اللى انتى عملتيه ده .

فاتن ردت وقالت .. احنا كده بنتجوز صغيرين الصعايده كلها كده البت لو عدت 15 سنه من غير جواز بتكون بارت .
امال ضحكت وقالت .. على كده بقى انا بورت خلاص وفــ,,ـاتنى قطر الجواز .
فاتن ردت وقالت .. ما تقوليش كده ده انتى قمر يا حبيبتى جمال وحلاوة وجسم ايه ما شاء الله .. ده انا لو ليا اخ كنت جوزتهولك .
فضلوا يضحكوا ويهزروا وفجاه دخل عليهم موظف من الموظفين .
الموظف بصلهم وهما بيضحكوا وقال .. خير يا بنات بتضحكوا على ايه ضحكونى معاكم ينوبكم صواب .
فاتن ردت وقالت .. ابدا يا استاذ عصام كنت بتكلم انا وآمال فى حاجه كده .
عصام رد وقال .. ربنا يفرحكم دايما يارب ويسعد ايامكم .
فاتن راحت علشان تودى الشاى للموظف اللى طلبه وفضلت امال وعصام لوحدهم فى البوفيه .
عصام بص لامال وقال .. عامله ايه يا امال دلوقتى وازى الحاجه الوالده .
امال ردت وقالت .. الحمد لله يا استاذ عصام بخير الحمد لله .
عصام فضل يتكلم معاها شويه ويضحكوا مع بعضهم .
بس للاسف شريف كان معدى بظروفها وسمع كلام وهزار امال مع عصام ومن جواه كان مدايق وزعلان من كلامها وهزارها مع الموظفين .
فكر أنه يدخل ويزعق لها بس رجع فى كلامه وخد بعضه ومشى .
دخل مكتبه ورزع الباب وراه ورن الجرس وطلب من السكرتيرة ان امال تعمله فنجان قهوة وتجيبه بنفسها .
السكرتيرة فعلا اتصلت بالبوفيه وطلبت من امال انها تجهز القهوة وتجيبها بنفسها للباشمهندس شريف .
امال باستغراب بصت لفاتن وقالت .. ااااه ربنا يستر والنبى يا فاتن هاعمل انا فنجان القهوة وانتى وديه ليه علشان خاطرى .
فاتن ردت وقالت .. يا ربى يا امال مــ,,ـاتوديه انتى وبلاش انا المهندس شريف ده نكدى اوى .
امال بتوسل بصلها وقال.. وحياتى يا فاتن علشان خاطرى .
فاتن ردت وقالت .. طيب يا اختى علشان خاطر عيونك انتى بس وربنا يستر .
وفعلا عملت امال القهوة وخدته فاتن ووصلت لباب المكتب وخبتط ودخلت .
شريف كان قاعد ولافف الكرسى بتاع المكتب ومدى ضهره ليها .
فاتن قربت من المكتب وحطت الصينيه بالقهوة وقالت .. القهوة يا باشمهندس شريف .
شريف سمع صوتها وعرف أنه مش صوت امال ولف بالكرسى علشان يشوف مين دى .
شريف قال.. فين امال ؟؟

فاتن بتوتر وقلق قالت .. اصلها كانت بتجهز قهوة لكمال بيه يا فندم وهاتوديهاله على مكتبه .
شريف بكل عصبيه بصلها وقال .. طيب اتفضلى انتى على شغلك .
فاتن ردت وقالت ..حاضر يا فندم تؤمر بحاجه تانيه .

شريف بصلها وقال .. لا اتفضلى انتى .
ولسه يا دوبك فاتن بتفتح الباب سمعت شريف بينادى عليها تانى .
شريف بصلها وقال .. فاتن
فاتن لفت نفسها وقالت .. نعم يا باشمهندس .
شريف بصلها وقال .. هى امال فى الشركه من امتى ؟؟
فاتن ردت وقالت .. بقالها حوالى سنتين يا فندم .
شريف بصلها وقال ..وانتى تعرفى عنها ايه وظروفها ايه ؟
فاتن حكت لشريف على كل ظروف امال وعلى ظروف والدها ووالدتها وفــ,,ـاه ابوها وان امال كانت نفسها تكمل دراستها لولا ظروف ابوها والحــ,,ـادثه اللى اتعرض لها .
شريف بصلها وقال .. تمام يا فاتن اتفضلى انتى على شغلك وما تقوليش لامال أنى سألتك على حاجه .
فاتن ردت وقالت.. حاضر يا شريف بيه .
وخرجت فاتن ورجعت على البوفيه ولقت امال بتكلم مامتها وتطمن عليها فى التليفون .
خلصت امال وسألت فاتن على سبب تأخيرها عند شريف .
فاتن قررت انها تقولها على اسئله شريف عنها واستغربت امال اوى من كلامها ده .
امال بصتلها وقالت.. وبيسأل ليه شريف ده وعاوز منى ايه ده ؟؟
فاتن ردت وقالت .. العلم علمك يا اختى ربنا يستر .
شويه وكمال بيه طلب ان امال توديله فنجان قهوة وفعلا امال جهزته وراحت علشان توديه وهى راحه وماسكه الصينيه فى ايديها كان شريف خارج بظروفها من مكتب ابوه ومدى ضهره لامال وفجاه وبدون مقدمــ,,ـات قلب الصينيه بفنجان القهوة السخن عليها وصرخت صرخه الكل اتلم عليها .
شريف بكل توتر وخوف اول لما شافها قال.. انا اسف .. انا اسف والله مش واخد بالى المهم انتى جرالك حاجه.
كمال سمع صرخه امال وقام بسرعه من مكتبه وفتح الباب وقال .. فى ايه يا شريف وآمال حصلها ايه ؟؟
شريف رد وقال .. فنجان القهوة اتقلب عليها يا بابا واكيد اتحــ,,ـرقت منه .
امال بكل وجع .. اه اااااااه مش قادرة الم فظيع .
شريف فى ثانيه ومن غير اى مقدمــ,,ـات شالها بين ايديه اودام كل الموظفين والعاملين فى الشركه .
امال بصدمه واستغراب وألم قالت .. انت بتعمل ايه نزلنى ..نززززززلنى .
وشريف مشى بيها ولا كأنه سامعها اودام الكل وركب الاسانسير وراح على عربيته ودخلها والموظفين كلهم كانوا مستغربين من اللى بيحصل اودام عنيهم ده .

ركب عربيته بعد ما حطها على الكرسى وراحوا على المستشفى على طول بكل سرعه .
وشويه ووصلوا اودام باب المستشفى واستقبلهم الممرضين وطلعوا بأمال على الاستقبال بسرعه .
فضل شريف واقف اودام الباب وكان زعلان جدا على اللى حصل وكان مستنى الدكتور يطلع ويطمنه بفارغ الصبر على امال .
وشويه والدكتور خرج قرب منه شريف وسأله اخبار امال ايه طمنى يا دكتور .
الدكتور رد وقال .. الحمد لله الجـ,ـرح سطحى واحنا عملنا اللازم وكتبنلها على شويه مراهم تبقى تستعملها لان الحــ,,ـرق فى مكان حساس شويه .
شريف شكر الدكتور وطلب منه أنه يدخل يطمن على امال بنفسه .
وفعلا دخل لامال اللى كانت نايمه على السرير وقرب منها وبدأ يكلمها .
شريف بصلها وقال .. انا اسف والله ما كان قصدى و حقك عليا مختش بالى خالص وانا خارج من المكتب عند بابا .
امال بوجع ردت وقالت .. حصل خير يا شريف بيه الحمد لله انها جت على اد كده .
شريف بصلها وقال .. الدكتور طمنى والحمد لله قال إنه جـ,ـرح سطحى وكتب على شويه ادويه وقال انك ممكن تخرجى فى اى وقت باليل .
امال بصدمه بصتله وقالت .. باليل ايه مش هاقدر اقعد دقيقه واحده هنا علشان والدتى لوحدها ومش عوزاها تقلق عليا انا هامشى دلوقتى لو سمحت .
شريف بصلها وقال .. طيب اللى تشوفيه وانا هاروح اقول للدكتور واخلص الحساب وارجعلك على طول واوصلك بنفسى لحد البيت .
امال بصتله وقالت.. لا متشكرة جدا ما تتعبش نفسك انا هاروح لوحدى يا شريف بيه .
شريف بصلها وقال .. تعب ايه بس دى اقل حاجه اقدر اقدمهالك مش كفايه انا السبب فى اللى حصلك بدون قصد .
تليفون شريف رن وكان كمال بيه بيطمن على امال وشريف طمنه .
كمال كلمه وقال.. اعمل كل اللازم يا ابنى وخليك معاها متسبهاش ووصلها لحد بيتها وهتلها علاجها.
شريف رد وقال .. اكيد طبعا يا بابا من غير ما تقول
شويه وجه شريف بعد مخلص حساب المستشفى وراح على الاوضه اللى فيها امال ودخل وهو مبتسم بس للاسف ملقهاش فى الاوضه ولقاها سايبه خبر مع الممرضه انها روحت لوحدها وبتشكر سياتك على تعبك معاها .
شريف خبط أيده فى الحيطه اللى جنبه وخد بعضه ونزل ركب عربيته بسرعه .
امال كانت ركبت تاكسى ووصلت للبيت وفتحت باب الشقه ولقت مامتها قاعده بتقرأ فى المصحف واستغربت الام من امال اللى جت بدرى من الشغل.
الام بصتلها وقالت .. امال حبيبتى جيتى بدرى كده ليه فى حاجه حصلت ولا ايه يا بنتى ومدت أديها على صـ,,ـدر امال .
امال بوجع قالت .. ااااه حسبى يا امى براحه عليا اصلى تعبانه شويه .
الام بكل خوف قالت.. خير يا بنتى فيكى ايه وتعبانه من ايه ؟؟
امالو.. اطمنى يا أمى دى حاجه بسيطه و بدأت تحكى لامها على اللى حصل .
الام بكل خوف بصتلها وقالت .. يعنى انتى بخير يا حبيبتى والنبى طمنينى وورينى الجـ,ـرح .
امال .. والله كويسه يا امى وشريف بيه ودانى المستشفى بنفسه ومخرجونيش غير لما الدكتور اطمن عليا .
الام .. طيب يا بنتى ادخلى انتى نامى واستريحى عقبال لما أنا اجهز الغدا بنفسى ليكى .
امال .. لا يا امى انا كويسه وانا اللى هاعمل الغدا بنفسى ما تتعبيش نفسك انتى يا حبيبتى .
الام .. ولا تعب ولا حاجه ولا ما نفسكيش تكلى من ايدى زى زمان الاكل اللى بتحبيه ؟؟
امال .. نفسى والله يا امى اكلك وحشنى اوى بس مش عاوزة اتعبك معايا .
الام .. ولا تعب ولا حاجه يا روح امك يالا ادخلى غيرى هدومك ونامى شويه عقبال لما اخلص .
امال .. ماشى يا حبيبتى حاضر .
وفعلا دخلت امال غيرت هدومها ونامت على سريرها وبدأت تفتكر كل اللى حصل واد ايه شريف كان خايف عليها وفضلت تفكر وتكلم نفسها كتير .
يا ترى هو بيعمل معايا كده ليه ؟ وعاوز منى ايه ؟ وايه التغير اللى حصل فيه فجاه كده بعد معاملته الوحشه ليها طول الفترة اللى فاتت دى كلها ؟؟

عاوز منى ايه يا شريف بيه ؟؟

نوڤيلا
الحلقه الرابعه
لوعة عشــ,,ـق
بقلم سحر فرج

الام كانت فى المطبخ بتعمل الغدا وسمعت باب الشقه بيخبط فراحت بسرعه علشان تفتح علشان امال ما تصحاش من نومها وهى تعبانه .
فتحت الام الباب وشافت شاب واقف وشايل بوكيه ورد فى أيده وكام شنطه تانى فى.
الام باستغراب بصتله وقالت .. مين حضرتك وعاوز مين يا ابنى ؟
شريف ابتسم ورد وقال .. اهلا يا حاجه انا شريف كمال مدير امال فى الشركه وكنت جاى اطمن عليها اذا سمحتى.
الام ردت وقالت .. اهلا وسهلا يا ابنى اتفضل ادخل استريح عقبال ما اصحى امال لانها دخلت تنام شويه .
وفعلا شريف دخل والام رحبت بيه وبصت لوالدتها وقال .. امال عامله ايه دلوقتى يا حاجه يارب تكون بخير ؟
الام .. الحمد لله يا ابنى هى يا دوبك لسه جايه من شويه ودخلت على اوضتها علشان تستريح .
وحكت ليا على اللى حصل معاها ومتشكرين لتعبك يا ابنى معاها .
شريف بصلها وقال .. والله يا حاجه ما كنت اقصد خالص وانا خارج من المكتب بتاع والدى ولقيتها فجاه فى وشى ومعاها القهوة وبعدين ولا تعب ولا حاجه دى اقل حاجه قدرت اقوم بيها مع امال .
الام ردت وقالت .. حصل خير يا ابنى الحمد لله على كل شىء .
تحب تشرب ايه قهوة ولا حاجه ساقعه؟؟
شريف بصلها وقال .. ما تتعبيش نفسك يا حاجه انا هاطمن على امال وامشى على طول علشان بابا عاوز هو كمان يطمن عليها .
الام بكل حنيه وطيبه ردت وقالت.. ثانيه واحده وهادخل اناديها من اوضتها .
شريف رد وقال .. اتفضلى حضرتك.

الام راحت على اوضه امال اللى كانت داخت فى النوم من التعب وبدأت تصحيها بشويش .. امال اااامال
قومى يا بنتى فى ضيوف عاوزينك بره .
امال بصتلها بنصف عين وقالت .. مين بس يا ماما اللى عاوزينى سبينى انام شويه .
الام ردت وقالت .. شريف بيه المدير بتاع الشركه برة وجاى علشان يطمن عليكى .
امال بصدمه قعدت بسرعه وقالت.. ايه بتقولى مين يا ماما ؟ شريف برة وعاوز يطمن عليا .
ده جه ليه ده وعاوز ايه منى ومش كفايه اللى بيعمله معايا
الام ردت وقالت .. اهدى يا بنتى هايكون جاى ليه يعنى اكيد علشان يطمن عليكى ويشوفك عامله ايه وعيب ما يصحش الراجل جه لحد بيتك وجايب حاجات اد كده معاه قومى وغيرى لبسك ده عقبال ما اروح اعمله حاجه يشربها .
قامت امال بسرعه من السرير وطلبت من مامتها انها تخرج تقعد معاه عقبال لما تغير هدومها وتطلع تسلم عليه وتقدمله هى حاجه يشربها .
وفعلا خرجت الام وراحت قعدت مع شريف وبعد شويه خرجت امال وسلمت على شريف اللى اول ما شافها قام وقف وسلم عليها وهو مبتسم .
شريف عيونه مركزه عليها وقال.. عامله ايه دلوقتى يا امال.
امال بكل خجل ردت وقالت .. الحمد لله يا شريف بيه احسن بكتير .
الام ردت وقالت .. اروح انا بقى وأجهز الغدا لازم نتغدا مع بعض يا استاذ شريف .
شريف بصلها وقال .. لا يا افندم ما تتعبيش نفسك انا شويه وهامشى على طول .
الام ردت وقالت .. وده يصح يا ابنى احنا ناس تعرف فى الواجب والأصول كويس ولا احنا مش اد المقام ومش عاوز تاكل عيش وملح معانا ؟
شريف بص لامال اللى كانت لسه مش مستوعبه أن شريف عندها فى البيت ومش عارفه تقول ايه .
الام بصت لامال اللى كان باين عليها التوتر وقالت.. ما تقولى حاجه يا امال يرضيكى كده ينزل من غير ما ناكل مع بعض عيش وملح .
امال ابتسمت وردت وقالت .. لا طبعا يا امى خلى حضرتك مستريحه وانا هاروح اجهز السفرة على طول .
شريف بصلها وقال.. انا مش عاوز اتعبكم معايا يا جــ,,ـماعه انا جيت اطمن عليكى وهانزل على طول .
امال بصتله وقالت.. بدام ماما قالت كلمه مش هاقدر ازعلها .
وفعلا راحت امال ودخلت المطبخ ومكنتش مصدقه أن شريف عندهم فى فى البيت وقرصت نفسها علشان تفوق وتعرف أن ده فعلا حقيقى .
جهزت السفرة وحطت الاطباق وجهزت السلطه وخلت السفرة تفتح النفس وبعدها راحت علشان تناديهم .
مامتها كانت لسه مخلصه الاكل اللى كانت ريحته روعه وجميله وماليه المكان كله .
راحت امال وطلبت من شريف ومامتها أنهم يجوا علشان الاكل جاهز .

قام شريف وطلب أنه يغسل أيده قبل ما يقعد وياكل وآمال دخلته الحمام وبعدها راح السفرة وقعد الكل وبدؤا يكلوا .

شريف بصلهم وقال.. ما شاء الله يا حاجه الاكل حلو جدا تسلم اديكى.

الام … شكرا يا ابنى وبالهنا والشفا .
انا بقالى كتير ما وقفتش اعمل اكل بس علشان تعب امال وقفت النهارده وعملته ونصيبك انك تدوقه .
شريف بصلها وقال .. ربنا يديكى الصحه وفعلا الاكل حلو جدا .

امال كانت فى دنيا تانيه ومش عارفه تقول ايه ولا تتصرف ازاى وكانت مستغربه جدا أن شريف قاعد معاهم وكمان ايه على سفرة واحده وعندها فى البيت كمان.
وطول ما هى قاعده كانت سرحانه وعماله تقلب بالشوكه وخلاص فى الطبق اللى قدامها وده اللى خلى شريف ياخد باله منها .
خلصوا الاكل وقاموا قعدوا فى الانتريه كلهم وشويه الام قامت وقالت .. اروح انا بقى اجيب القهوة .. قهوتك ايه يا ابنى.
شريف بصلها وقال ..مضبوطه لو سمحتى .
الام .. ثوانى وهاتكون جاهزة يا ابنى ودخلت على المطبخ وسابت شريف وامال مع بعضهم .
شريف عيونه على عيون امال وابتسم وقال .. عامله ايه يا امال.
امال بكل خجل ردت وقالت .. الحمد لله يا شريف بيه .
شريف بغيظ بصلها وقال .. ممكن تقولى شريف بس لو سمحتى .
امال وشها احمر اوى ومعرفتش ترد عليه وبصت على الارض .
شريف بصلها وقال .. انتى ليه نزلتى من المستشفى ومصبرتيش علشان اوصلك للبيت ؟
امال اتنهدت وقالت.. يا شريف بيه احنا ناس فى منطقه شعبيه ووالدى متوفى الناس تقول ايه وانا راكبه معاك العربيه لوحدنا وكمان موصلنى لحد البيت .
شريف بصلها وقال .. عندك حق طبعا بس انا مش قصدى أنى احرجك مع حد انا كنت عاوز اوصلك علشان انتى تعبانه وانا السبب فى تعبك ده مش اكتر.

امال بصتله وقالت .. والناس اللى هاتشوفنا ما تعرفش كل ده يبقى ليه اجيب لنفسى الكلام واخلى حد يتكلم عليا .
شريف بكل اعجاب رد وقال .. كلامك صح وانا بعتذر أنى جيت من غير ميعاد بس ما كنتش اقدر انام الا لما اطمن عليكى .
امال اتكسفت اوى من كلامه ومن نظراته ليها ومعرفتش ترد عليه لولا أمها جت و دخلت بفنجان القهوة .
الام بصتله بكل حنيه وطيبه وقالت.. اتفضل يا ابنى القهوة.
شريف بصلها وقال .. تسلم اديكى يا حاجه تعبتك معايا.
الام ردت وقالت .. تعبك راحه يا ابنى.
شويه وشريف شرب قهوته والام استأذنت انها تقوم تصلى وشريف قام علشان يمشى بس قبل ما ينزل طلب من امال رقم تليفونها علشان يبقى يطمن عليها وبلغها أن ابوه اداها يومين اجازة علشان تستريح براحتها .
نزل شريف على طول وآمال خدت نفسها وكأنها كانت بتحلم .
فاقت على موبيلها بيرن وراحت علشان تشوف مين .
امال ردت وقالت.. السلام عليكم .

فاتن ردت وقالت .. وعليكم السلام ازيك يا امال عامله ايه يا حبيبتى دلوقتى.
امال ابتسمت وردت وقالت .. الحمد لله يا فاتن احسن والله .
فاتن .. معلش يا حبيبتى والله كان نفسى اجى معاكى المستشفى بس انتى عارفه علشان الشغل ومفيش غيرى انا وانتى .
امال … عارفه يا قلبى ولا يهمك وشكرا على سؤالك وفضلوا يتكلموا شويه .
وقفلت امال مع فاتن وراحت تشوف مامتها اللى فى أوضتها .
الام بصتلها وقالت .. الضيف مشى يا بنتى ؟
امال ردت وقالت .. اه يا امى نزل .
الام ردت وقالت .. ما شاء الله عليه شكله ابن حلال ومحترم ومؤدب وابن ناس كتر خيرهز.
وشكله كده مهتم بيكى.
امال ردت وقالت .. ده اتحول فجاه من ناحيتى يا ماما والله .
ده كان بيعاملنى وحش اوى ومش انا بس اى بنت بتشتغل فى الشركه بيعاملها وحش شكله مش بيحب البنات خالص .
الام ردت وقالت .. اكيد فيه سبب لكده علشان مايحبش البنات بس اللى انا شوفته بعينى واهتمامه بيكى حاجه تانيه .

امال…. انا برده بدأت احس الاحساس
ده وأنه مهتم بيا الايام دى .
ده حتى كمال بيه ربنا يكرمه بيعاملنى كويس اوى ودايما يقولى يا بنتى .

الام سرحت شويه و ردت بكل حزن وقالت .. ابوه اسمه كمال !!
امال ردت وقالت .. اه يا امى اسمه كمال مهران الشرقاوى.
صاحب اكبر مجموعه شركات فى الوطن العربى .
الام بصدمه بصتلها وقالت .. انتى بتقولى اسمه ايه ؟؟؟
امال بأستغراب بصت لامها وقالت .. فى ايه يا ماما انتى اتفاجئتى بالاسم كده ليه ؟
الام وشها ظهر عليه الاستغراب والذهول وقالت.. انتى متاكده يا امال من الاسم ده .

امال ردت وقالت .. اه طبعا يا امى انا شغاله معاهم بقالى اكتر من سنتين وعارفه اسمه كويس اوى .. فى ايه يا ماما انتى تعرفيه ولا ايه .
الام سكت شويه وعيونها اتملت بالدموع وبصت لامال وقالت .. اقعدى يا امال وانا هاحكيلك كل حاجه مقدرتش احكيهالك طول العمر ده كله وكنتى على طول تسألينى وانا اهرب من سؤالك انا وابوكى الله يرحمه .
وكنتى بتستغربى اوى من وانتى صغيرة اننا ملناش اهل ولا قرايب زى بقيت اصحابك .
انا هاحكيلك يا بنتى كل حاجه علشان تعرفيها قبل ما يجرالى حاجه وامــ,,ـوت واسيبك فى الدنيا لوحدك .
امال ردت وقالت .. بعد الشر عليكى يا ماما ربنا يخليكى ليا وما اتحرمش منك ابدا.
الام بدأت تحكى وآمال كانت سمعاها .
فلاش باك
الاب .. قولتلك مش هاتتجوزيه يعنى مش هاتتجوزيه يا جميله .
جميله .. يا بابا احنا بنحب بعض من زمان وهو هايشتغل وهايبنى نفسه وبكرة يبقى حاجه كبيرة .
الاب .. هى كلمه واحده مفيش غيرها ولو عملتى اللى فى دماغك لا انتى بنتى ولا اعرفك وهاتبرا منك خالص لحد ما امــ,,ـوت انتى فاهمه.
كمال اخوها بصلها وقال .. اسمعى كلام بابا يا جميله واوعى تسبينا احنا ملناش غير بعض .
بعد ماما الله يرحمها ما مــ,,ـاتت .
جميله بكل حزن بصت لكمال اخوها وقالت .. انت لسه صغير يا كمال وبكرة تعرف يعنى ايه تحب شخص وانك مش هاتقدر تستغنى عن اللى بتحبه ده طول عمرك .
كمال رد وقال .. واحنا بنحبك يا جميله وانا مليش غيرك بعد امى الله يرحمها ومش هاقدر استغنى عنك .
جميله خدته فى حضـ,,ـنها وفضلوا يعيطوا مع بعض هما الاتنين .
وبعدها كل واحد راح على اوضته علشان ينام .
صحى الاب الصبح ودور على جميله فى كل العزبه ملقهاش .
بااك
الام .. هى دى حكايتى يا امال سبت ابويا وسبت اخويا الوحيد واتجوزت ابوكى اللى كنت بحبه بس كانت ظروفه وحشه وفضلت وحشه لحد ما مــ,,ـات .
ولما خلفتك سميتك على اسم امى الله يرحمها امال .
امال ردت وقالت .. انا مش مصدقه كل اللى انتى قولتيه ده انا كأنى بحلم يا امى .
ليه ما قولتيش الحكايه دى من زمان انا اول مرة اسمعها منك وكنت على طول اقولك فين اهلك وفين اخواتك كنتى تردى وتقولى انا اهلى مــ,,ـاتوا كلهم فى حــ,,ـادثه وانا الوحيده اللى نجيت من الحــ,,ـادثه دى وماليش اهل خالص .
حتى بابا الله يرحمه كان كده مالوش غير اخ ومــ,,ـات وانا صغيرة .
الام بصتلها وقالتو ..ابوكى لما هربنا مع بعض كان عايش مع عمته هو واخوه بعد ما أمه وأبوه مــ,,ـاتوا وهى اللى ربتهم وعرفنا بعد كام شهر من هروبنا انها مــ,,ـاتت من زعلها على ابوكى ونزل البلد وهو متخفى وجاب اخوه الاصغر وعاش معانا شويه كنتى انتى صغيرة ساعتها ولانه كان صحته ضعيفه وعنده القلب مــ,,ـات وهو صغير .
وانا كنت عرفت برضه أن ابويا مــ,,ـات من زعله عليا وحاولت ادور على اخويا كمال بس ما لقتهوش وعرفت أنه باع العزبه وكل حاجه وساب البلد وده اللى كان تاعبنى وتاعب قلبى طول حياتى .
امال اترمت فى حضـ,,ـن امها وفضلوا يعيطوا هما الاتنين .
امال .. يعنى كمال بيه ده يبقى خالى وشريف ده بيكون ابن خالى

الام ردت وقالت .. لازم نتأكد الاول ومش هاتاكد غير لما اشوفه بعينى اودامى واعرف أنه كمال اخويا فعلا .
امال ردت وقالت .. يبقى لازم نروح على الشركه الصبح انا وانتى .

نوڤيلا
لوعة عشــ,,ـق
الحلقه الخامسه والاخيرة
بقلم / سحر فرج

امال.. طيب هانعمل ايه دلوقتى يا امى وهانعرف كمال بيه ازاى انك أخته جميله .
الام.. يطلع النهار بس وربنا يكتب كل خير يا امال يا بنتى وسيلها على الله .
امال.. بس ما قولتليش ازاى يا امى طول السنتين دول وانا ملحظتش التشابه اللى فى الاسماء بينك وبين كمال بيه .
الام .. ما تنسيش يا امال أن اسمى مكتوب فى البطاقه باسم جميله محمد احمد لان زمان لما هربت انا وابوكى .. ابوكى جرى كتير علشان يغير الاسم بتاعى وبطاقتى علشان كان خايف عليا لا يوصلولى ويعملوا فيا حاجه وحشه .
لأنه كان متخيل أن جدك الله يرحمه اللى هو ابويا ممكن يأذينى لو عرف مكانى .
ومن خوفه غير اسم ابويا وجدى علشان ما حدش يعرفنى .
امال.. الله يرحمك يا بابا
الام.. الله يرحمه يا بنتى .
كل واحده دخلت على اوضتها وكأنها فى حلم ومش مصدقين كل اللى حصل ده .
الام ما كنتش مصدقه أن اخوها بعد السنين دى كلها هاتلاقيه وهاتشوفه بعد ما فقدت الامل انها تلاقيه .
امال مكنتش مصدقه كل اللى حصل وكل اللى امها قالته وبعد ده كله كمال بيه يطلع خالها وشريف ابن خالها .
وفجاه تليفونها رن ومكنتش تعرف مين اللى هايتصل بيها فى الوقت ده .
علشان ما كنتش عارفه الرقم ده ولا مسجلاه عندها فمسكت الموبيل بايديها وقالت ..السلام عليكم مين معايا .
شريف.. وعليكم السلام ورحمه الله انا شريف يا امال .
امال بصدمه وخجل ردت وقالت.. اه اهلا وسهلا شريف بيه .
شريف بغيظ قال .. مش قولنا بلاش شريف بيه دى يا آمال .
امال بتردد وخجل ردت وقالت.. ماشى يا شريف .
شريف.. الله اول مرة اعرف ان اسمى حلو كده غير منك انتى يا امال .
امال.. احم احم
خير فيه حاجه يا شريف .
شريف.. انا كنت عاوز اطمن عليكى واشوفك عامله ايه دلوقتى .
امال.. انا تمام الحمد لله وباخد العلاج وماشيه على المرهم اطمن .
شريف.. امااااال
امال باستغراب رد وقالت .. نعم يا شريف.
شريف.. كنت عاوز اقابلك بكرة ضرورى فى كلام كتير عاوز اقوله ليكى .
امال.. سيبها بظروفها يا شريف مش دلوقتى .
شريف.. ليه بس يا امال لازم اتكلم معاكى واحكيلك على حاجات كتير جوايا .
امال.. بعدين نبقى نشوف الموضوع ده يا شريف مش وقته .
شريف بحزن .. اللى تشوفيه يا امال .
امال.. طيب تصبح على خير يا شريف .
شريف.. ايه ده انتى هتنامى بدرى كده زى الفراخ .
امال.. اصل فيه حاجات كتير اوى لازم اعملها بكرة باذن الله حاجات مهمه جدا .
شريف.. ممكن اعرفها ؟
امال.. اكيد بكره هاتعرفها وهاتعرف كل حاجه .
شريف.. شوقتينا أنى اعرف بس على العموم هاصبر لما تقوليلى .
امال ط.. تصبح على خير

شريف.. وانتى من اهل الجنه .

طلع النهار وصحيت الام اللى هى اصلا من كتر التفكير والفرحه انها هاتشوف اخوها ما نمتش وكان نفسها النهار يطلع باى شكل علشان تروحله وتتاكد أنه فعلا هو اخوها .
خرجت امال وصبحت على أمها واستغربت انها قاعده وجاهزة ولابسه كمان علشان ينزلوا على طول .
امال.. ايه ده انتى صحيتى من امتى يا امى ولبستى كمان ؟؟
الام.. مجاليش نوم ابدا يا امال من كتر فرحتى أنى هاشوف اخويا كمال بعد السنيييين دى كلها.
البسى بسرعه يا حبيبتى ويالا ننزل على طول .
امال.. حاضر يا قمر انت تؤمر يا جميل .وفعلا لبست بسرعه .
وبعد ما نزلوا من الشقه اتفقت امال مع امها أنهم يروحوا على الشركه الاول ويخدوا عنوان كمال بيه علشان يروحوا البيت ويتاكدوا إن هو اخوها .
وفعلا خدوا تاكسى وطلعوا على الشركه ونزلت امال وسابت مامتها فى التاكسى لحد ما جابت العنوان من السكرتيرة .
ورجعت ركبت امال التاكسى تانى وطلبت من السواق يروح على العنوان اللى مكتوب فى الورقه .
طلع السواق بالعربيه وراح على العنوان اللى ادتهوله امال ووقف اودام قصر كبير فى منطقه راقيه فى مصر الجديده .
نزلت امال ونزلت مامتها وقربوا من البواب .

البواب باستغراب بصلهم وقال … نعم يا افندم خير عاوزين مين ؟؟؟
امال.. كنا عاوزين نقابل كمال بيه ضرورى .
البواب.. اقوله مين يا افندم ؟؟؟
امال.. قوله امال بتاعه البوفيه فى الشركه .
وفعلا راح البواب ودخل جوه وبلغ كمال بيه أن فيه واحده اسمها امال عاوزة تشوفه من الشركه .
كمال باستغراب.. بتقول مين ؟ امال وايه اللى هايجبها هنا وبدرى كده .. روح انت وخليهم يدخلوا .
ناهد مراته .. مين دى يا كمال اللى عاوزاك على الصبح بدرى دى .
كمال.. دى امال موظفه عندى فى الشركه .
اللى حكتلك عليها امبارح وشريف ابنك دلق عليها القهوة
ناهد.. وعوزاك ليه دى .
كمال.. علم علمك يا حبيبتى هاروح اقابلها واشوف هى عاوزة ايه .
الشغاله جت وبلغت كمال بيه أن فيه ضيوف عوزينه .
كمال بصلها وقال.. دخليهم المكتب وانا جاى وراكى .
كمال راح لهم ودخل واستغرب أن امال مش لوحدها وان معاها واحده تانى .
قرب منهم وسلم على امال ومد أيده علشان يسلم على الست التانيه .

كمال بكل ترحيب قرب من والدة امال وقال … اهلا وسهلا بيكى يااااااااا …….. وفجاه اتصدم .
بدأ يبص فى ملامح ام امال اوى اوووووى ومكنش مصدق اللى شافه .
كمالبكل ذهول .. مش معقووول !!

انتى !!
جميييييييييله ااااااختى ؟
جميله.. اترمت فى حضـ,,ـن اخوها وقالت .. كمال اااااخويا حبيبى
اخيرا يا قلبى لقيتك بعد السنين دى كلها.
انا كنت بدعى ربنا كل يوم وانا بصلى أنى اشوفك قبل ما امــ,,ـوت .
كمال خدها فى حضـ,,ـنه وفضلوا يعيطوا هما التلاته .
كمال بكل شوق ولهفه وحب بصلها وقال.. قلب اخوكى يا حبيبتى انا قلبت عليكى مصر كلها وملقتكيش .. كل شبر وكل ركن فيها وبرضه ملقتكيش .
انا كنت هاتجنن عليكى ياجميله واشوفك تانى .
جميله.. وانا كمان يا حبيبى كان نفسى اشوفك اوى اووووووى .
سالت عليك كتير ومعرفتش اوصلك وقالولى انك سبت العزبه بعد ما بابا مــ,,ـات الله يرحمه .
كمال.. وانا دورت عليكى فى كل مكان ومقدرتش اوصلك .
جميله.. قلب اختك يااااااا كمال .
كمال.. حبيبتى يااا جميله .
امال … احم اااااحم نحن هنا .
كمال.. معلش يا امال نسيتك خالص ومعرفتش انتم عااااارفين بعض ازاى .
جميله.. دى امال بنتى يا كمال وسمتها امال على اسم ماما الله يرحمها .
كمال باستغراب بصلها بفرحه وقال .. معقوله يا امال انتى بنت جميله اختى وانا معرفش السنين دى كلها .
امال.. ايوا يا كمال بيه انا بنت اختك جميله .
كمال.. بيه ايه بقى قولى يا خاااااالى يا حبيبتى .
الكلمه اللى عمرى ما سمعتها من حد واخيرا سمعتها منك يا امال يا حبيبتى .
دخلت ناهد وكان نزل شريف من فوق وكان رايح على الشركه واستغرب لما أمه قالته في ضيوف جوه مع بابا فى المكتب فقرر أنه يدخل ويشوف مين .
ويادوبك داخل شريف شاف ابوه حاضن امال وعمال يب.وس فيها فاتصدموا .

كمال .. شريف ناهد تعالوا شوفوا مين عندنااااا .
ناهد.. مين دول يا كمال ؟؟؟
شريف بصدمه.. فى ايه ياااا بابا .
كمال.. دى جميله اختى يا ناهد اللى بدور عليها بقالى سنين وسنين .
دى عمتك جميله يا شريف اللى حكتلك عنها كتير وكان نفسى اشوفها من زمان قبل ما امــ,,ـوت وكنت قالب الدنيا علشان الاقيها
ناهد.. معقوله جميله اختك اخيرا لقيتها يا كمال .
شريف.. انا مش فاهم حاجه خالص حد ٥يكم يفهمنى فى ايه بالضبط
كمال.. دى اختى ياااااااا شريف .
اختى جميله اللى بدور عليها من زمان .
وآمال طلعت بنتها كمان .
يعنى امال طلعت بنت عمتك يا شريف .
شريف بفرحه .. قرب من جميله وحضـ,,ـنها وبا.سها .
وقرب من امال وجاى يخدها فى حضـ,,ـنه بس امال ذقنه وقالتله ايه يا باشمهندس هاتعمل ايه ؟؟
شريف.. انا اسف مش قصدى ومن المفاجأه ما حستش بنفسى واهلا بيكى يا بنت عمتى
ناهد راحت سلمت عليها هى وآمال وخدتهم فى حضـ,,ـنها ورحبت بيهم.
كمال.. الف حمد وشكر ليك يارب .
____________________________
عدى كام ساعه وكانوا بيتكلموا على ايام زمان وعلى اللى حصل لوالدهم بعد ما جميله هربت واد ايه الاب صحته اتدهورت بهروب جميله وكلام الناس وفضلوا يتكلموا كتير عن زكرياتهم .
وشويه وطلبت جميله أنهم يمشوا .
كمال.. انتى بتقولى ايه مفيش مرواح لحته انا ما صدقت لقيتك يا اختى .
انتم هاتعيشوا معانا هنا ونرجع أسرة واحده زى زمان وعيله واحده .
شريف.. اه طبعا يا بابا هما هايعيشوا معانا هنا ومفيش مرواح لاى حته تانيه
امال.. وشغلى اعمل فيه ايه؟
شريف.. نعم يا اختى شغل ايه وبتاع ايه من هنا ورايح مفيش غير الدراسه وبس .
امال.. دراسه !! دراسه ايه ؟
شريف.. هاتكملى دراستك وتدخلى الجامعه وتحققى حلمك يا امال .
_______________
عدى كذا يوم وعاشت امال وجميله مع كمال بيه فى القصر الكبير وقرر أنه يعمل حفله كبيرة بالمناسبه الحلوة دى .
ناهد كانت عزمت كل أصحابها وقرايبها على الحفله وجهزت جنينه القصر لكده وطلبت من شركه كبيرة انها تقوم بلزوم كل شىء .
شريف كان نزل مع امال واشترى ليها لبس وفساتين كتير وكلها احلا من بعض .
وهما فى المول طلب منها انهم يروحوا يستريحوا الاول فى اى كافيه وبعدها يكملوا باقى الحاجه .
وفعلا دخلوا كافيه شكله حلو اوى وكان نزل الشنط اللى معاهم فى العربيه .
قعدوا على التربيزة وطلب من الجارسون أنه يجيب ليهم حاجه يشربوها .
شريف.. امال كنت عاوز احكيلك على حاجات كتير جوايا حاسس بيها من زمان .
امال .. قبل اى حاجه لازم اعرف معاملتك الوحشه ليا فى الاول كان سببها ايه .
شريف حكى ليها كل اللى حصله زمان مع البنت اللى كان بيحبها لحد ما شافها فى وضع مخل بالاداب فى شقه مشبوهه مع شخص غريب.
امال.. معقوله فى بنات بالمنظر ده يا شريف .
شريف.. ايوا يا امال فى كتير للاسف بيبقوا بكذا وش والواحد ينخدع فيهم .
شريف.. المهم أن ربنا بيحبنى وعرفنى حقيقتها قبل ما اخطبها واتجوزها .
امال.. الحمد لله
شريف.. اماااااال
امال بخجل .. نعم يا شريف .
شريف.. اناااااااا بحبك
امال.. انت بتقول ايه يا شريف ؟
شريف.. عيون شريف وقلب شريف وكل شريف .
امال وشها احمر وانكسفت ومكنتش عارفه ترد تقوله ايه .
شريف.. انا هاطلب ايدك من عمتى ايه رايك يا امال .
امال.. مش عارفه!!
شريف.. نعم يا اختى انطقى وقولى بحبك يا شريف عاوزة اسمعها منك .
امال.. انا موافقه يا شريف .

شريف.. بتقولى ايه شريف حاف كده .

امال.. انا موافقه يااااا حبيبى .

الكل كان فرحان والحفله اشتغلت وكانت امال فى اوضتها بتجهز وكانت طالعه زى القمر بفستانها الدهبى وشعرها البنى وعيونها العسلى المخضر ومكياچها كان فى منتهى الروعه .
شريف كان لبس بدله وكان طالع غايه فى الجمال .
جسم طويل وكتاف عريضه وشعر اصفر وعيون ملونه ولا الممثلين الاتراك .
يا دوبك خرج من اوضته وراح خبط على امال وفتحتله .
شريف بصلها وقال.. وااااااو ايه الحلاوة والجمال ده ياااا حبيبتى .
امال.. بجد طالعه حلوة يا شريف .
شريف.. اه طبعا طالعه زى القمر .
مد شريف أيده ومسك ايد امال وبا.سها بكل رقه ورومانسيه ونزلوا على الجنينه علشان يشوفوا الضيوف ويعرفها على الناس .
كمال وناهد كان معاهم جميله وكانوا فى استقبال الناس .
الكل كان فرحان وسعيد والاغانى كانت شغاله .
شريف قرب من جميله اودام الناس كلها وطلب ايد امال بعد موافقه ابوه وامه طبعا .
جميله رحبت ووافقت طبعا على شريف وخدته فى حضـ,,ـنها هو وآمال .
شريف قرب من امال وباس خدها وطلع من جيبه علبه صغيره وفتحها .
شريف فتح العلبه وطلع خاتم الماظ بفص صغير وكان فى منتهى الروعه ولبسه لامال .
شريف.. تقبلى تتجوزيني يا امال .
امال بخجل ردت وقالت .. ااااه اقبل يا شريف .
شريف.. عيونى وقلبى وحياتى واوعدك أنى اخليكى اسعد واحده فى الدنيا دى كلها .
الناس كلها بدأت تصقف لما شافوا شريف وآمال واللحظه الرومانسيه دى .
عدى شهر واتعمل لهم اكبر فرح والكل كان بيتكلم عنه .
وكانوا طالعين زى القمر هما الاتنين .

شريف … انا بعشــ,,ـقك

امال … وانا بعشــ,,ـقك

وبدؤوا يرقصوا على اغنيه فى اخر الفرح .

شو كانت حلوة الليالى

والهوى يبقى ناطرنا

وتيجى تلاقينى

وياخدنا بعيد

هدير الماى والليل

ياه ياه ياه يا سهر الليالى

ياه ياه ياه يا حلو على بالى

غنى

غنى

غنى على الطرقات .

تمت.