عشق الزين
ليليان _ بييقا عندى امل انك تقدرنى وتوافق مشربوش
زين بتريقه _ امل ماټت متفكريش فيها كتير….يالا عشان تروحى جامعتك
*****************
فى شركه الجارحى
مراد _ ايه يا جدع بتصل بيك من امبارح مبتردش
زين _ كنت مسافر
مراد _ مسافر فين ؟
زين _ الشرقيه…. عم حسن اتوفى
مراد _ لا حول ولا قوة الا بالله… البقاء لله يا زين…. طيب مقولتش اروح معاك ليه
زين _ عرفت بليل متاخر وجريت على هناك
مراد _ طب وليليان عرفت
زين بهدوء _ اه قولتلها والحمد لله عدت على خير
مراد _ طب ايه يا صاحبى ناوى على ايه
—
زين _ مش فاهم ناوى. على ايه بالظبط
مراد _ لا انت فاهم كويس يا زين…… ناوى ايه على علاقتك انت وليليان
زين _ معرفش علاقتنا بتجرى بسرعه اوى يا مراد
…. والسرعه دى مدايقنى ومبقتش قادر اوقفها…… ومش عارف اذا كان السبب منها هى ولا منى. انا
….. بس الاكيد انا لسه عند وعدى من عم حسن وعدى مماتش بمۏته مش زين الجارحى للى يعمل كدا
مراد _ زين سيب نفسك وبطل تسيطر على مشاعرك كدا غلط
زين بشرود _ انا مبقتش قادر حتى اسيطرعلى مشاعرى
زين فاق على تصفير مراد
زين _ تصدق انك رخم…. قوم يالا روح ظبط الامور عشان الوفد
****************
فى الجامعه
سارة _ مالك يا ليلو شكلك تعبان كدا
ليليان _ اممم انا تعبانه فعلا بس مش ج-سمى قلبى… قلبى الى وج-عنى
سارة _ ليه كدا فى ايه مانا سايبكى امبارح كويسه
ليليان _ فاكرة عم حسن اللى حكتلك عنه ….. اهو م١ت هو كمان وسابنى
سارة ضمت ليليان لح-ضنها _ البقاء لله يا حبيبتى…. ياقلبى عشان كدا قلبك كان مقبوض امبارح
[[system-code:ad:autoads]]
ليليان _ انا ضهرى انكسر بجد
سارة _ متقوليش كدا زين موجود وانا كمان اهو مش هانسيبك ومعاكى وفى ضهرك
ليليان _ فى يوم من الايام يزهق منى ….. فى يوم من الايام هايحب واحدة ويتجوزها ويطلقنى….. فى يوم من الايام هارتمى فى الشارع وابقا وحيدة
سارة _ لا انا كدا ازعل منك وربنا….. خلاص يا ليلو انتى بقيتى صاحبتى واختى ولا يمكن اسيبك ابدا
ليليان _ ربنا يخليكى ليا يا سارة
***************
فى الجامعه بس فى مكان تانى بعيد عن ليليان وسارة
_ عمر باشا سرحان فى ايه