زينة الضواحي زهرة الربيع
فاطمه هزت راسها بلا بخوف شديد وهو قال …جدعه بت العم …ومشي من قدامها
فاطمه لطمت على خدها بخوف من كلامو وجريت على امها بسرعه تحكي لها اللي حصل لانها خافت جدا من تهديده خصوصا بعد اتفاقها مع عوض
اول ما راحت لامها قالت بخوف…. الحقيني ياما يا مراري شكلنا روحنا فيها شربناها المره دي
امها قالت باستغراب…. في ايه يا بت عملتي ايه مصايب ثاني
فاطمه قالت بدموع وخوف… مهران …مهران هدددني قاللي هيقتلني لو عملت حاجه تاني للمحروسه بتاعته كان بيتكلم جد قوي وانا خفت منه
امها قالت بغيظ….واحنا هنعمل له ايه يعني يغور في داهيه احنا جينا جنبها
فاطمه قالت برعب… انا جيت ياما عرف موضوع السحر اللي عملناهولو عشان كده سابني في الفرح
بقلم…زهرة الربيع
امها ضربت على صدرها بخوف وقالت ….يا مصيبتنا هو ناوي يحكي حاجه من دي …لو قال حاجه زي كده ما حدش هيتجوزك واصل
فاطمه قالت بدموع…. انا خايفه من كده…قال هيفضحني لو عملت حاجه وانا …انا عملت روحت لعوض واتفقت معاه ياجي يخطف مرتو
امها قالت بصدمه… يعمل ايه يا قلب امك
فاطمه قالت بدموع …مكنتش اعرف انو عندو خبر بموضوع السحر….روحت لعوض و قلتله يجي يخطفها من الاوضه…احنا لازم نساعده سوا يااما لو اتكشف هتبقى بلوه وجات على راسنا
عند زينه كانت متضايقه جدا وقاعده في اصاله لقت كم حاجه متبعتره بتلمها بايدها السليمه وبتنظف التراب من على الكنب
مهران وقف وراها وحضنها وقال بهمس… بتعمل ايه يا جميل
زينه اتفزعت وبصتلو بسرعه وقالت… انت بتعمل ايه هملني احسن حد يجي
مهران فضل محاوطها باديه جامد وقال ..خلي اللي ياجي ياجي انا ندمت اننا نزلنا اصلا…ما تيجي نطلع تاني
زينه ضحكت وبقت تحاول تفلت من بين ايديه وهي بتقول بس بقى هملني هتفضحنا
مهران بص لعيونها جامد قوي ومرر عيونه ما بين عيونها وشفايفها وقال….اااااه
زينه حطت اديها على كتافه وقالت ….سلامتك من الاه خير
مهران قال بمغازله…. شفايفك دبحت قلبي… الرحمه من عندك يا ربي ….وقرب من شفايفها قوي ولسه هيلمسهم
سمعو صوت ابوه بيحمحم وبيقول….يا رب يا ساتر
زينه اتكسفت جدا ولطمت على خدها وقالت بزهول …يافضحتي يا فضيحتي يا مراري