ملكتني بنورها
اتحولت ملامحو لغضب رهيب ومسك معصمها بقوه وقال…مين يا حلوه الي ربطهالك ورد قالت بخوف ..حمدان فيه ايه
عواد قال بغضب مرعب… وطبعا مسك يدك علشان يربطهالك قالت باستغراب..امال هيربطها ازاي يعني
قال بغضب شديد..ليله ابوكي مطينه انتي وياه ونزل جري على تحت
ورد لبست اول عبابه قابلتها ونزلت وراه جري وهيه بتقول اعقل يا عواد..اعقل يا مجنون ده اخوك غيه ايه عواد قال بغضب..اطلعي على فوق والله ما يكون ابويا الله يرحمو ليتحاسب غوري على اوضتك
ورد فضلت مكمله وراه وقالت …يا ابني ده صغير ده اصغر مني والله ما عمل حاجه قال بغضب وزعيق..بقولك اطلعي فوق
ودخل عند جده وكان حمدان قاعد معاه مسكو من جلابيتو بغضب وقال…انت..الي ربطت لورد يدها لما اتجرحت حمدان بلع ريقه وقال..انا..لا.لا طبعا وانا اتجنيت اياك..لا ..تلاقيها غلطت مش كده يا ورد ورد لسه هتنطق ضربو برجلو في بطنو وقال..كلمني انا انا الي بكلمك حمدان اتألم ومسك بطنو وقال..الله يقطعك ويقطعها..خيرا تعمل شرا تلقى عواد خبطو بكل قوتو في الحيط وقعو على الارض وقال..طب متبقاش تعمل الخير تاني والا مش هيحصل خير وطلع وهو بيجر ورد معاه بغضب
وحمدان بقى يتألم من ضهرو الي اتخبط في الحيط وبيقول بزعيق..الله يخرب بيتك يا عواد الاهي تشوفها بترقص في مدان عام يا بعيد..اه يا ضخري عواد اخد ورد وطلع بيها بغضب على اوضتهم وقال بحده اترزعي هنا مش كل شويه هضربلي واحد بسببك ورد ضحكه جامد وقالت ..والله انت اتجننت رسمي يا ابني ده اخوك وصغير و قاطعها عواد وقال…صغير كبير اخويا ولا ابويا ميلمسكيش..انتي ليه مش عايزه تفهمي ..انامبستحملش..اسمعي يا بت الناس..انا بحاول قد مقدر مضيقش عليكي متخلنيش اعاملك معامله مش هتعجبك ..انا حابسك في السرايا كلها..متخلنيش احبسك في اوضتك ومتطلعيش منها ..سامعه
قال كده بغضب شديد وورد صعب عليها لما لقتو فعلا بيبقى مش بمزاجو و مش بيقدر يستحمل وغيرتو فظيعه قربت عليه وقالت..طيب…مش هخلي حد يقربلي تاني..مبسوط كده عواد هدي شويه وقال بغضب مصتنع..ايوه مبسوط..كده زين..انا وبس…ماشب انا وبس…قوليها. ورد قالت باستغراب.. هيه ايه الي اقولها عوا. قال وهو بيقربها ليه..قولي انت وبس يا عواد..محدش تاني من حقو يشوفك ولا يلمسك..ماشي يا ورد ابتسمت على غيرتو المجنونه وقالت..ماشي يا عواد..انت وبس ابتسم برضا وحضنها لاول مره حضن حنين جدا كان عايز يخبيها بين ضلوعو قال …هاين عليا احطك في القلب واقفلو..ومحدش يطل عليكي غيري ولا يشوف جمالك