س ساره
عماد سألها باستغراب عرفتي منين؟
قالت لأن اللي خدها مستني حاجة من جوه البيت.
في اللحظة دي رن موبايل ياسر.
رد بسرعة.
جاله صوت متغير وقال لو عايز تشوف بنتك عايشة تعال المخزن القديم بتاع الغلال اللي على طريق الواحات… وتعالى لوحدك.
المكالمة اتقفلت.
عماد قال مينفعش تروح لوحدك يا باشا ده فخ.
ياسر بصله وقال لو مكانها بنتك كنت هتعمل إيه؟
ركب عربيته وانطلق بسرعة لكن من غير ما يعرف عماد كان ماشي وراه بعربية تانية هو وعدد من رجال الحراسة.
أول ما وصل للمخزن سمع صوت ملك وهي بتنادي عليه.
دخل يجري لقاها مربوطة على كرسي لكن باين عليها إنها بخير.
وقبل ما يقرب منها خرج راجل من الضلمة.
كان شقيق ندى… حسام.
ياسر اتجمد مكانه وقال مستحيل.
حسام ضحك وقال أيوه… أنا.
ياسر قال إنت أخوها… ليه تعمل فيها كده؟
حسام رد بعين كلها كراهية لأن أبوكي زمان خد أرض أبويا بالنصب وبعدها مات من القهر وأنا فضلت مستني اليوم اللي أخد فيه حقي.
ياسر قال وندى ذنبها إيه؟
قال كانت عرفت الحقيقة وهددت تفضحني فكان لازم أسكتها للأبد.
ياسر هجم عليه بكل غضبه لكن رجال حسام خرجوا من كل ناحية.
وقبل ما حد يلمسه سمعوا صوت طلقات في الهوا.
عماد ورجال الأمن دخلوا المخزن.
حصل اشتباك قصير وانتهى بعد دقائق.
حسام حاول يهرب من الباب الخلفي لكنه اتزحلق ووقع واتقبض عليه.
قبل ما الشرطة تاخده بص لياسر وقال فاكر إن كل حاجة خلصت؟
رد ياسر بهدوء لأ… اللي خلص هو ظلم سنين.
فك رباط ملك وحضنها بقوة.
وفي اللحظة دي حصلت المفاجأة.
ملك مسكت في كتفه وحاولت تنزل من على الكرسي.
الكل سكت.
حطت رجلها على الأرض.
وبعدين التانية.
واتسندت على أبوها وخدت أول خطوة.
دموع ياسر نزلت وهو مش مصدق.
ملك ابتسمت وقالت بابا… أنا بمشي.
أميرة كانت بتعيط وسارة ابتسمت وقالت أنا قلتلك رجليها كانت نايمة بس… مش ميتة.
بعد شهور اتحاكم حسام واعترف بكل اللي عمله واتحكم عليه بالسجن المؤبد.
ياسر باع جزء كبير من شغله اللي كان مليان صراعات وبدأ حياة جديدة مع بنته.
أما أميرة وسارة فرفض يسيبهم يمشوا، واعتبرهم من أهل بيته، وفتح لسارة أفضل المدارس، واهتم بعلاج ملك لحد ما رجعت تمشي وتجري وتلعب زي أي طفلة.