بنتى عندها متلازمه داون ومرات ابنى مشغلاها خدامه
مفيش حاجة! هي بس حساسة زيادة.
طلعت الموبايل من إيدي وقلت
اسمع بنفسك.
شغلت التسجيل.
صوت شيرين ملأ الصالة.
كل كلمة كانت بتقولها وهي بتجبر نور تشتغل، وكل مرة نور كانت بتترجاها تنزل عندي كل ده سمعه أحمد من غير ما يقدر ينطق.
لما التسجيل خلص، الصمت كان تقيل جدًا.
بص أحمد لمراته.
إنتِ قلتي لها الكلام ده؟
شيرين بدأت تبرر
أيوه، بس عشان مصلحتها! إنت عايزها تفضل طول عمرها معتمدة على أمها؟
رد عليها لأول مرة بنبرة مختلفة
مصلحتها مش معناها تكسريها.
شيرين اتعصبت
إنت
كمان صدقتها؟!
وقبل ما أحمد يرد، نور فجأة قالت بصوت ضعيف
أنا مش عايزة أطلع هنا تاني.
الكلمة
متابعة القراءة
2
بنتي عندها متلازمه حكايات منال علي
دي كانت بسيطة، لكنها كسرت حاجة جوايا.
أحمد بص لأخته، وبعدها بص لمراته.
لكن شيرين قالت جملة جعلت وشه يتغير تمامًا
خلاص لو أخدتها معاكي، يبقى لازم تعرفي هي كانت بتعمل إيه كل ليلة بعد ما تنزلي.
اتجمدت مكاني.
أحمد قرب منها
تقصدّي إيه؟
شيرين سكتت.
ولأول مرة، ظهر الخوف الحقيقي على وشها.
أما نور، فبدأت تهز رأسها بعنف وهي بتقول
لا لا يا أحمد متفتحش الباب.
بصيت ناحية الباب اللي كانت بتشاور عليه.
وساعتها فهمت إن الأوضة اللي في آخر الممر مش مجرد أوضة تخزين
وإن نور كانت خايفة من حاجة موجودة جواها من البداية مدّ أحمد إيده ناحية مقبض الباب، لكن نور صرخت فجأة
متفتحش يا أحمد!
اتوقف مكانه.
بص لها باستغراب
ليه يا نور؟ إيه اللي جوا؟
نور قربت مني أكتر، وفضلت تهز راسها وهي بتقول
شيرين قالتلي محدش يدخل قالت لو اتكلمت هتزعّل أحمد مني.
لفّ أحمد وشه ناحية مراته.
إنتِ قلتي لها كده؟
شيرين حاولت تضحك
يا أحمد، دي بتفهم الكلام غلط
لكن نور فجأة مدت إيدها ناحية جيب جلابيتي، وطلعت ورقة كانت مخبياها هناك من غير ما آخد بالي.
ناولتها لأخوها.
فتح الورقة.
كانت عبارة عن قائمة مكتوبة بخط شيرين، فيها مواعيد وأعمال البيت، وتحتها ملاحظات غريبة عن نور.
أحمد قرأها مرة واتنين.
ثم رفع عينيه وقال
إيه ده؟
شيرين سكتت.
إيه معنى إنك كاتبة ممنوع تنزل عند أمها قبل ما تخلص؟
ما ردتش.
قلب الورقة، فلقى في ظهرها جملة واحدة مكتوبة بخط كبير
لازم نور تفضل عندي طول اليوم عشان محدش يعرف اللي حصل.