س قلب ندى بيدق بسرعه
ندى افتكرته فورًا. هو نفسه اللي كان بينصحها قبل الجواز إنها تحافظ على كل مستنداتها ومتكتبش أي حاجة باسم حد.
قالت وهي بتنهج: “خير يا أستاذ شريف؟”
قال: “أنا آسف إني بكلمك في الوقت ده، لكن من أسبوعين جالي كريم مع والدته. كانوا بيسألوا لو ينفع يضيف اسمه على ملكية الشقة من غير ما تبقي موجودة، ولما عرفوا إن ده مستحيل خرجوا وهم متضايقين جدًا.”
ندى اتسعت عينيها.
“إيه؟”
“وده مش كل حاجة… بعدها بكام يوم جالي واحد بيقول إنه قريب كريم، وكان بيسأل عن قيمة الشقة وهل ينفع تتباع لو حصل بينكم طلاق.”
ندى سكتت.
كل قطعة في الصورة بدأت تتركب قدامها.
العربية…
الشقة…
فلوس العملية…
كل حاجة كانت هدف بالنسبة لهم.
في نفس الوقت سمعت صوت باب الشقة بيتفتح، وبعدها صوت أم كريم وهي بتقول: “خلاص يا ابني… كفاية كده. خليها تنزل تشوف العربية بنفسها.”
كريم ضحك وقال: “لما تشوف اللي حصل فيها هتوافق على أي ورقة أمضيها لها.”
ندى قفلت المكالمة بسرعة بعد ما شريف قال لها: “إوعي تمضي على أي ورقة مهما حصل… وأنا جاهز أساعدك في أي وقت.”
أول حاجة عملتها إنها بعتت نسخة من تسجيل الصوت لكلود خاص على الإنترنت وبعتها كمان لصاحبتها المقربة مها، وكتبت لها: “لو حصلي أي حاجة افتحي التسجيل ده.”
بعدها خدت نفس عميق وفتحت باب الأوضة.
كريم كان واقف قدامها وإيده فيها شاكوش صغير، وعلى وشه ابتسامة مستفزة.
قال: “نزلتي أخيرًا؟”
ندى بصت له بثبات وقالت: “كسرت العربية؟”
قال بمنتهى البرود: “آه… وعادي أجيب غيرها لما الفلوس تبقى معايا.”
أم كريم قالت وهي بتقرب منها: “بلاش عناد يا بنتي. حولي الفلوس لكريم وخليه يتصرف، وأمك ربنا كريم.”
الجملة دي كانت آخر حاجة كانت ندى محتاجة تسمعها.
رفعت موبايلها قدامهم وضغطت على زر التشغيل.
وفجأة امتلأت الشقة بصوت أم كريم وهي بتقول بوضوح: “لو ما اقتنعتش بالكلام… اعمل اللي اتفقنا عليه.”
اختفت الابتسامة من وش كريم.
وبعدها اشتغل الجزء التاني من التسجيل، واللي كان فيه اعترافهم الكامل بالخطة وسرقة فلوس عملية أمها.
في اللحظة دي وش أم كريم اصفر، أما كريم فجري ناحية الموبايل وهو بيصرخ: “اقفلي التسجيل ده حالًا!”
لكن ندى كانت ابتسمت لأول مرة… لأنها كانت عارفة إن اللي هيحصل بعد اللحظة دي، هيقلب حياتهم كلهم للأبد.