س الساعه 3:45 منى وصلت قدام المطعم
شريف همس لنفسه: واضح إنها فعلاً كانت في أزمة.
رجع عربيته، لكن قبل ما يمشي، طلب من واحد من رجاله يتابع كل تحركات منى من غير ما تحس.
وفي اليوم اللي بعده، وهو قاعد في مكتبه، دخل عليه المحامي وقال: دورت وراها.
شريف وقف بسرعة وقال: عرفت إيه؟
المحامي قال: منى كانت متجوزة فعلًا… لكن جوزها مات من أربع سنين في حادثة.
شريف اتنهد وقال: يعني ملك مش بنته؟
المحامي فتح الملف وقال: استنى… في حاجة غريبة.
شريف قرب منه.
المحامي قال: شهادة ميلاد البنت اتعملت بعد الولادة بشهور، وفي بيانات ناقصة، وفي شخص هو اللي بلغ عن ميلادها بدل الأب… وده بيخليني أشك إن في سر كبير مستخبي.
شريف اتجمد مكانه.
وفي نفس اللحظة، كان في شخص تاني واقف قدام باب شقة منى، لابس كاب ونضارة سودة، مستنيها تنزل الشغل.
أول ما خرجت هي وملك، ابتسم ابتسامة خبيثة وقال في نفسه: أخيرًا لقيتكم… المرة دي محدش هيعرف ينقذكم.
تاني يوم الصبح، أول ما منى نزلت من العمارة، الراجل اللي كان مستخبي قرب منها وقال: منى عبدالعزيز؟
بصتله باستغراب وقالت: أيوه… مين حضرتك؟
طلع كارنيه وقال: أنا من مكتب محاماة الأستاذ شريف عزام، ودي دعوة لحضرتك.
منى أول ما فتحت الورقة اترعشت.
كانت دعوة لحضور جلسة لإثبات النسب وطلب حضانة ملك.
حست إن الأرض بتلف بيها.
جريت على المطعم وهي بتعيط، وأول ما أحمد شافها عرف إن في مصيبة.
ناولته الورقة، قرأها بهدوء وقال: متقلقيش… طول ما إنتِ معاكي الحق محدش هيقدر ياخد بنتك.
في نفس اليوم، قابل أحمد شريف في المكتب الرئيسي وسأله بغضب: إنت بتعمل إيه؟
شريف رد بثقة: لو البنت بنتي يبقى من حقي أعرف.
أحمد قال: ومن حقها كمان تعيش في أمان… مش تدخل حياتها فجأة بعد خمس سنين.
شريف سكت لحظة وقال: أنا ماكنتش أعرف إنها حامل.
في الوقت ده كانت منى قاعدة مع المحامي، وقررت لأول مرة تحكي الحقيقة.
قالت: أنا كنت مخطوبة لشريف، ولما عرف إن شركته بتنهار سافر بره مصر من غير حتى ما يسمعني، وكل الناس قالولي إنه سابني واتجوز واحدة تانية. بعدها اكتشفت إني حامل، وفي نفس الوقت اتقدمتلي فرصة أتجوز راجل محترم اسمه حسام، وعارف كل الحقيقة، لكنه وافق يكتب البنت باسمه ويربيها كأنها بنته. وبعد أربع سنين حسام توفى في حادثة، ومن يومها وأنا بربي ملك لوحدي.